រថយន្ត Xpeng P7 electric liftback ថ្មីអាចបើកដោយស្វ័យប្រវត្តិចេញពីខ្សែផលិតទៅដល់តំបន់ដឹកជញ្ជូននៅរោងចក្រនៅចិន ដោយរថយន្តអគ្គិសនីនេះត្រូវបានបំពាក់ដោយឈីប AI Turing ដែលអភិវឌ្ឍដោយ Xpeng ខ្លួនឯងចំនួនបី ដែលផ្តល់ថាមពលគណនាកំពូលរហូតដល់ 2,250 TOPS។ វាខ្លាំងជាង Tesla Model Y (ប្រើ AI 4 SoC) ដល់ 3 ដង។
នៅថ្ងៃទី 26 សីហា លោក Yu Tao អនុប្រធាន Xpeng បានចែករំលែកវីដេអូមួយលើ Weibo បង្ហាញថា រថយន្ត Xpeng P7 ថ្មីៗអាចបើកដោយស្វ័យប្រវត្តិចេញពីខ្សែផលិតទៅដល់តំបន់ដឹកជញ្ជូន ដោយមិនមានអ្នកបើកបរ។ តាមការបញ្ជាក់របស់ក្រុមហ៊ុន P7 ថ្មីអាចបើកដោយខ្លួនឯងក្នុងតំបន់កំណត់នៅរោងចក្រផលិតរបស់ Xpeng នៅ Guangzhou។ លោក Yu Tao បាននិយាយថា នេះជាជំហានដំបូងនៃប្រតិបត្តិការដោយគ្មានមនុស្ស (unmanned operation) សម្រាប់ Xpeng។ មុននេះ ក្រុមហ៊ុនបានចែករំលែកថា ប្រព័ន្ធជំនួយបើកបរថ្មីរបស់ពួកគេគឺជា ADAS L3-ready។ កម្រិត L3 នេះអនុញ្ញាតឲ្យអ្នកបើកអាចដកភ្នែកចេញពីផ្លូវបាន ខណៈពេលបើកបរ។ ទោះយ៉ាងណាក៏ដោយ ប្រព័ន្ធបើកបរ L3 នៅមិនទាន់ត្រូវបានអនុញ្ញាតឱ្យប្រើប្រាស់តាមផ្លូវច្បាប់នៅចិន។
Xpeng P7 ពឹងផ្អែកលើកាមេរ៉ា ដើម្បីផ្តល់ព័ត៌មានទៅឈីប AI Turing ចំនួនបី។ ឈីបនីមួយៗមានថាមពលគណនាចំនួន 750 TOPS ដែលខ្លាំងជាង Tesla Model Y AI 4 processor ចំនួន 30 TOPS និងខ្លាំងជាង Nvidia Orin Thor ចំនួន 50 TOPS។ ពេលប្រើប្រាស់ឈីប 3 នេះចូលគ្នា វាផ្តល់ថាមពលគណនារហូតដល់ 2,250 TOPS។
P7 ថ្មីគាំទ្រ VLA (Vision-Language-Action) និង VLM (Vision-Language Models) ដែលជាម៉ូឌែល AI ធំៗ។ វាអាចជួយរថយន្តគិត និងឆ្លើយតបតាមស្ថានភាពផ្លូវផ្សេងៗ។ P7 ក៏អាចប្រើបាននូវ NGP (Navigation Guided Pilot) ទាំងលើផ្លូវក្នុងទីក្រុង និងលើផ្លូវល្បឿនលឿន។
