ក្នុងនោះ សម្រាប់ស្មាតហ្វូននេះ មិនត្រឹមតែមានថ្មធំដល់ 15,000mAh នោះទេ ប៉ុន្តែការរចនាវិញ ក៏មានការរចនាដូចគ្នានឹងស្មាតហ្វូនធម្មតាផងដែរ ពោលគឺមានកម្រាស់ត្រឹមតែ 8.89mm ប៉ុណ្ណោះ។ បើប្រៀបធៀបទៅនឹង Power bank ទូរស័ព្ទនេះគឺមានកម្រាស់ស្តើងជាង Power bank ដល់ទៅ 42% ឯណ្ណោះ ហើយទម្ងន់វិញ ក៏ស្រាលជាង Power bank ចំនួន 68% ផងដែរ។
បើនិយាយពីសមត្ថភាពរបស់ថ្ម 15,000mAh នេះវិញ គឺអាចប្រើប្រាស់បានជាង 5ថ្ងៃ ឯណ្ណោះ ហើយបើយកមើលវីដេអូ ឬលេងហ្គេមវិញ គឺវាប្រើបានចាប់ពី 30 ទៅ 50 ម៉ោង។
ជាមួយគ្នានេះ សម្រាប់លក្ខណៈពិសេសរបស់ស្មាតហ្វូននេះទៀតសោក ក៏ទទួលបាននូវអេក្រង់ OLED ទំហំ 6.7 អ៊ីញ, បន្ទះឈីប MediaTek Dimensity 7300, RAM 12GB, Storage 256GB និងដុំសាកកម្លាំង 80W ផងដែរ។ លើសពីនេះទៅទៀត ក៏បានបំពាក់មកជាមួយបច្ចេកវិទ្យាកម្រិតខ្ពស់ៗជាច្រើនដូចជាប្រព័ន្ធស្អំកម្តៅកម្រិតខ្ពស់ទំហំធំ ក៏ដូចជាបច្ចេកវិទ្យាការពារការធ្លាក់បែក និងឆ្កួតផងដែរ។
គួរបញ្ជាក់ថា សម្រាប់ស្មាតហ្វូននេះក៏អាចប្រែពណ៌ពីសទៅខៀវ នៅពេលសីតុណ្ហភាពធ្លាក់ចុះដល់ 38º ផងដែរ ហើយការផលិតវិញ មិនទាន់បានបញ្ជាក់នៅឡើយទេ ប៉ុន្តែទូរស័ព្ទដែលមានថ្ម 10,000mAh+ វិញ នឹងប្រកាសចេញលក់នៅលើទីផ្សារនៅដើមឆ្នាំ 2026 ខាងមុខនេះហើយ៕