បន្ទាប់ពីបានប្រកាសចេញលក់នូវស្មាតហ្វូនបត់ ៣តង់ ដំបូងរបស់ខ្លួនកាលពីឆ្នាំមុន និងទទួលបាននូវការគាំទ្រយ៉ាងច្រើនពីសំណាក់អ្នកគាំទ្ររបស់ខ្លួន ក៏ដូចជាអ្នកប្រើប្រាស់ជុំវិញពិភពលោក ពេលនេះ ក្រុមហ៊ុន Huawei ផ្ទាល់ គឺបានប្រកាសបង្ហាញចេញនូវ Teaser របស់ស្មាតហ្វូនបត់ ៣តង់ ជំនាន់ថ្មី ឬជំនាន់ទី២ របស់ខ្លួនហើយ ដោយក្នុងនោះនឹងធ្វើការប្រកាសចេញជាផ្លូវការនៅក្នុងថ្ងៃទី៤ ក្នុងខែកញ្ញា ខាងមុខនេះ។
ក្នុងនោះ ចំពោះស្មាតហ្វូនបត់ ៣តង់ ថ្មីនេះ គឺមានឈ្មោះ Huawei Mate XTs Extraordinary Master ។
ពាណិជ្ជកម្ម
ចំពោះស្មាតហ្វូនបត់ ៣តង់ ថ្មីនេះ នឹងទទួលបាននូវជម្រើសពណ៌ថ្មីចំនួន២ គឺពណ៌ស និងពណ៌ស្វាយ Crimson Purple ហើយវាគឺដំណើរការដោយឈីប Kirin 9020 និងគាំទ្រនូវការតភ្ជាប់ 5G, eSIM និងមុខងារទំនាក់ទំនងផ្កាយរណប។ លើសពីនេះ ក៏បានធ្វើឱ្យប្រសើរឡើងនូវបច្ចេកវិទ្យា hinge និងភាពធន់ផងដែរ។
គួរបញ្ជាក់ថា សម្រាប់តម្លៃរបស់ស្មាតហ្វូននេះវិញ នឹងមានតម្លៃលក់ខ្ទង់តែ ២ ០៦០ដុល្លារ ប៉ុណ្ណោះ នៅក្នុងទីផ្សារប្រទេសចិន ប៉ុន្តែព័ត៌មានលម្អិតផ្សេងៗទៀតមិនទាន់បង្ហាញចេញនៅឡើយទេ តែអាចនឹងរក្សានូវអេក្រង់ទំហំ ១០,២អ៊ីញ ដដែល៕