Nissan Micra បានត្រលប់មកវិញហើយឥឡូវនេះវាបានផ្លាស់ប្តូរជារថយន្តអគ្គិសនីទាំងស្រុង។ Nissan បានប្រកាសថាតម្លៃរបស់ Micra EV ថ្មីនឹងចាប់ផ្តើមពី £22,995 ឬជាង $30,000 នៅក្នុងប្រទេសអង់គ្លេស។ ជារឿងគួរឱ្យភ្ញាក់ផ្អើល វាមានចម្ងាយបើកបរច្រើនជាងដែលបានប្រកាសកាលពីដើម។
Nissan កំពុងធ្វើការកែប្រែគ្រឿងរថយន្តរបស់ខ្លួន ដោយ Micra EV ថ្មីគឺជារថយន្តមួយក្នុងចំណោម 4 ម៉ូឌែលថ្មីៗដែលក្រុមហ៊ុនសង្ឃឹមថានឹងជួយជម្រុញការលក់ត្រលប់មកខ្លួនវិញ។ ចាប់តាំងពីម៉ូដែលដំបូងត្រូវបានចេញផ្សាយនៅឆ្នាំ 1983 មកនេះ Nissan បានលក់ Micra បានលើស 6 លានគ្រឿងជាសកល ហើយបច្ចុប្បន្ននេះវាជាជំនាន់ទី 6 ហើយក៏បានត្រលប់មកវិញបន្ទាប់ពីផ្អាករយៈពេល 2 ឆ្នាំ ហើយបានផ្លាស់ប្តូរជារថយន្តអគ្គិសនី។
Nissan បានបញ្ជាក់ថាតម្លៃចាប់ផ្តើមរបស់ Micra EV គឺ £22,995 ($30,500) សម្រាប់ម៉ូដែលដែលប្រើថ្ម 40 kWh។ Micra EV នឹងមានជម្រើសថ្មពីរប្រភេទ គឺ 40 kWh និង 52 kWh ដែលផ្តល់ចម្ងាយបើកបរតាមស្តង់ដារ WLTP គឺ 318.65 km និង 418.43 km តាមលំដាប់ នេះបន្ថែម +11.27 km ចំពោះថ្មតូច និង +9.66 km ចំពោះថ្មធំ ជាការបញ្ជាក់របស់ក្រុមហ៊ុន។ ជាមួយសមត្ថភាពសាកភ្លើង 100 kW DC, Micra អាចសាកពី 15% ទៅ 80% ក្នុងរយៈពេល 30 នាទី Nissan ក៏បានដាក់ប្រព័ន្ធ heat pump ជាឧបករណ៍ស្តង់ដារសម្រាប់ការត្រជាក់និងកំដៅថ្មទាំងពីរផងដែរ។
នៅខាងក្នុង, Micra EV មានអេក្រង់កណ្ដាលទំហំ 10 អ៊ីញជាមួយប្រព័ន្ធ infotainment Nissan Connect ដែលរួមមាន Google Mapsនិងសេវាកម្ម Google ផ្សេងទៀតជាស្រេច ហើយ Nissan នឹងបើកការកក់ Micra EV ចាប់ពីថ្ងៃទី 1 ខែកញ្ញា ឆ្នាំ 2025 វាជារថយន្តអគ្គិសនីដំបូងក្នុងចំណោម 4 គ្រឿងដែលក្រុមហ៊ុនគ្រោងចេញលក់នៅអឺរ៉ុប នៅចុងឆ្នាំនេះ, LEAF ជំនាន់ថ្មី នឹងចេញដំបូង បន្ទាប់មកជា Juke EV និង Qashqai EV។
តើអ្នកគិតយ៉ាងដូចម្តេចចំពោះ Micra EV ថ្មីនេះ? តើវាអាចប្រកួតប្រជែងនឹង BYD និងម៉ូដែលថោកៗផ្សេងទៀតនៅអឺរ៉ុបបានទេ?
