ក្នុងនោះ សម្រាប់គម្រាងសាងសង់ទំនប់វារីអគ្គិសនីថ្មីរបស់ចិននេះ គឺរួមបញ្ជូលនូវស្ថានីយ៍វារីអគ្គិសនីចំនួន ៥ ហើយមានទីតាំងស្ថិតនៅទន្លេ Yarlung Tsangpo ក្នុងតំបន់ទីបេ ដែលទីតាំងនេះគឺស្ថិតនៅក្បែរទីក្រុង Nyingchi និងព្រំដែនរបស់ប្រទេសឥណ្ឌា ហើយគម្រាងនេះទៀតសោកគឺមានការវិនិយោគប្រហែល ១៧០ពាន់លានដុល្លារ ឯណ្ណោះ។
ជាមួយគ្នានេះ បើតាមការបញ្ជាក់ពីសំណាក់លោក Li Qiang ដែលនាយករដ្ឋមន្ត្រីរបស់ប្រទេសចិនផ្ទាល់គឺបានឲដឹងថា នៅពេលដែលគម្រោងនេះត្រូវបានសាងសង់ដោយជោគជ័យ វានឹងក្លាយជាទំនប់វារីអគ្គិសនីដែលមានទំហំធំជាងគេបំផុតនៅក្នុងពិភពលោក និងអាចផលិតថាមពលអគ្គិសនីប្រចាំឆ្នាំបានដល់ទៅ 300 ពាន់លានគីឡូវ៉ាត់ម៉ោង ឯណ្ណោះ។
គួរបញ្ជាក់ថា បើទោះបីជាគម្រោងនេះនាំមកនូវផលប្រយោជន៍ធំៗជាច្រើនដល់សេដ្ឋកិច្ចរបស់ប្រទេសចិន និងទទួលបាននូវការវាយតម្លៃយ៉ាងម៉ត់ចត់ដើម្បីធានាសុវត្ថិភាពក៏ដោយ ក៏មានការព្រួយបារម្ភជាច្រើនពីបណ្តាលប្រទេសជិតខាងដូចជាប្រទេសឥណ្ឌា និងបង់ក្លាដែសផងដែរ ដែលអាចនឹងជះនូវឥទ្ធិពលជាខ្លាំងដល់បរិស្ថាន ជីវចម្រុះ និងសហគមន៍នៅក្នុងតំបន់៕
