ចំណុចគួរឱ្យចាប់អារម្មណ៍នោះគឺ Lynk & Co 07 EM-P ជា Plug-in Hybrid Sedan ដែលមានអត្រារក្សាទុកតម្លៃល្អបំផុតក្នុងរយៈពេលមួយឆ្នាំ ដូចបានចែងដោយសមាគមអ្នកលក់រថយន្តចិន (CADA) សម្រាប់ពាក់កណ្តាលឆ្នាំដំបូង ឆ្នាំ 2025។
រូបរាងខាងក្រៅរបស់រថយន្តថ្មីនេះ បន្តការរចនាបែប “Next Day” ដែលមើលទៅទំនើប ដោយបន្ថែម LiDAR នៅលើដំបូល, មានពណ៌ថ្មីឈ្មោះ “Aurora Silver” ហើយផ្នែកខាងមុខ ត្រូវបានកែប្រែខ្លះ ប៉ុន្តែបន្តរក្សាទុកអំពូលមុខទម្រង់ “H” និងអំពូលភ្លើងខាងក្រោយបែបខ្សែត្រង់ពេញទំហំទទឹងដូចដើម។
រថយន្តនេះបំពាក់ប្រព័ន្ធជំនួយបើកបរជំនាន់ខ្ពស់ G-Pilot H7 ដែលដំណើរការដោយឈីប NVIDIA Drive Thor មានកម្លាំងគណនា 700 TOPS ប្រព័ន្ធនេះអាចគាំទ្រការបើកបរដោយស្វ័យប្រវត្តិលើផ្លូវល្បឿនលឿន (Highway NOA), នៅផ្លូវក្នុងទីក្រុង (City Streets NOA), និង Navigation ប្រាប់យើងដល់ផ្ទះដោយមិនចាំបាច់ប្រើផែនទី HD (Door-to-Door Navigation without HD maps)។
ទំហំរថយន្តថ្មីវែងជាងម៉ូដែលបច្ចុប្បន្ន 8mm ដែលមានវាស់បាន 4,835/1,900/1,480mm និងប្រវែងពីកង់មុខទៅកង់ក្រោយ 2,843mm វាត្រូវបានចាត់ទុកថាជារថយន្ត sedan ចំណុះមធ្យម ដែលមានទំងន់ទទេ (curb weight) គឺ 1,885 គីឡូក្រាម ស្រាលជាងម៉ូដែលបច្ចុប្បន្ន 30 គីឡូក្រាម។ វាមានជម្រើសកង់ 18 អ៊ីញ និង 19 អ៊ីញ ដោយតម្លៃកង់ត្រូវគ្នាជាមួយសំបកកង់ទំហំ 235/45 R18 និង 245/40 R19 ទៅតាមលំដាប់។
ប្រព័ន្ធ Plug-in Hybrid ប្រើម៉ាស៊ីន 1.5T មានកម្លាំងអតិបរមា 120 kW (161 hp), បំពាក់ជាមួយម៉ូទ័រអគ្គិសនី និងថ្ម LiFePO₄ មានសមត្ថភាព 18.4 kWh។ វាអាចបើកដោយអគ្គិសនីសុទ្ធបានចម្ងាយ 103 គីឡូម៉ែត្រ (តាមស្តង់ដារ CLTC) ហើយស៊ីសាំងត្រឹមតែ 4.65 លីត្រ/100km បច្ចុប្បន្ននេះ ម៉ូទ័រអគ្គិសនីមិនទាន់ត្រូវបានបង្ហាញព័ត៌មានច្បាស់នៅឡើយទេ។ Lynk & Co 07 EM-P បច្ចុប្បន្ន ប្រើម៉ាស៊ីន 1.5T ដូចគ្នា បំពាក់ម៉ូទ័រមុខអគ្គិសនី Permanent Magnet Synchronous Motor ដែលមានកម្លាំង 160 kW (215 hp) និងប្រើថ្ម LiFePO₄ ទំហំ 18.99 kWh ដែលអាចបើកដោយអគ្គិសនីសុទ្ធបានរហូតដល់ 126 គីឡូម៉ែត្រ (តាមម៉ាស៊ីនវាស់ CLTC)។
