Shangjie (尚界) គឺជាយីហោរួមរបស់ Huawei និង SAIC ហើយជាម៉ាកទី ៥ ដែលស្ថិតក្រោមសម្ព័ន្ធ HIMA (Harmony Intelligent Mobility Alliance) ដែលគ្រប់គ្រងដោយ Huawei។ ម៉ូដែលដំបូងគេរបស់ម៉ាកនេះគឺ Shangjie H5 SUV ដែលនឹងបញ្ចេញជាផ្លូវការនៅខែកញ្ញា ខណៈដែលបានបង្ហាញព័ត៌មានបច្ចេកទេសពីសំណាក់ក្រសួងឧស្សាហកម្ម និងព័ត៌មានវិទ្យា (MIIT) របស់ចិន។
Shangjie គឺជាយីហោដែលមានតម្លៃសំរម្យបំផុតក្នុងចំណោមយីហោទាំង ៥ របស់ HIMA ដែលមានគោលដៅដាក់លក់សម្រាប់ អ្នកទិញវ័យក្មេង ផ្សេងពីយីហោ ៤ មុន (ដូចជា Aito, Luxeed, Stelato និង Maextro) ដែលផ្ដោតលើទីផ្សារថ្នាក់លើ ឬក៏ថ្នាក់ប្រណិត។
រូបភាពផ្លូវការខ្លះៗបានបង្ហាញមុននេះហើយ ចុងសប្តាហ៍នេះ MIIT បានបោះពុម្ពឯកសារដាក់ពាក្យចុះបញ្ជីសម្រាប់រថយន្ត H5 ដែលបង្ហាញពីពត៌មានលម្អិតអំពីប្រព័ន្ធចលនា បន្ទាប់មកក្រុមហ៊ុនក៏បានបញ្ចេញព័ត៌មានបន្ថែមផងដែរ។ ដូចជាម៉ូដែលចុងក្រោយៗរបស់ HIMA រថយន្តនេះមានជម្រើសទាំង រថយន្តអគ្គិសនីសុទ្ធ (BEV) និង ស៊េរីជាប្រភេទអគ្គិសនីមានម៉ាស៊ីនបន្ថែមចម្ងាយ (EREV)។ សម្រាប់អគ្គិសនីសុទ្ធ (BEV) មានចម្ងាយដែលវាស់វេងដោយ (CLTC range) 655 គីឡូម៉ែត្រ និង EREV មានចម្ងាយ 1,300 គីឡូម៉ែត្រម៉ាស៊ីនសាំង+ជាមួយអគ្គិសនី។
រថយន្តនេះនឹងមានប្រព័ន្ធជំនួយអ្នកបើកបរ Huawei ADS 4 (ADAS) ដែលប្រើសិនស័រដូចជា lidar តម្លើងនៅលើកញ្ចក់ខាងមុខ។
ទំហំរថយន្ត H5 ជាមធ្យមមានប្រវែងបណ្តោយ 4,780 មម, ទទឹង 1,910 មម, កម្ពស់ 1,657 មម, គម្លាតពីកង់មុខទៅកង់ក្រោយ 2,840 មម ក្រសួងឧស្សាហកម្ម និងព័ត៌មានវិទ្យា (MIIT) របស់ចិន បញ្ជាក់ថា ជំនាន់ BEV មានម៉ូទ័រមួយគ្រឿងប៉ុណ្ណោះ (single motor) ដោយមានជម្រើសពីរ៖ 1.ម៉ូទ័រ 150 kW ជាមួយថ្ម LFP និង 2.មានម៉ូទ័រ 180 kW ជាមួយថ្ម NMC ដែលម៉ូទ័រទាំងពីរផលិតដោយ SAIC, ខណៈថ្មទាំងពីរផលិតដោយ CATL (មិនទាន់បង្ហាញសមត្ថភាពស្តុកថ្ម)។ សម្រាប់ EREV ជាប្រភេទមានម៉ាស៊ីនបន្ថែមចម្ងាយ មានម៉ូទ័រអគ្គិសនី 150 kW និងម៉ាស៊ីនសាំង 1.5 លីត្រ (ICE) ដែលមានកម្លាំងបន្ថែមបាន 72 kW។
យីហោ Shangjie ត្រូវបានប្រកាសនៅខែមេសា ដោយនាយក Huawei លោក Richard Yu នៅខែមុន ការសាកល្បងបើករថយន្តនេះបានបង្ហាញតាមរូបថតលួចថតនៅចិន។ ពាក្យ “Shangjie” គ្រាន់តែជាការ បកស្រាយអក្សរចិនជាអង់គ្លេស (phonetic) ប៉ុណ្ណោះ ហើយក្រុមហ៊ុននឹងផ្ដល់ឈ្មោះអង់គ្លេសផ្លូវការនៅចុងឆ្នាំនេះ។ Huawei បានបង្ហាញថា តម្លៃរថយន្តនេះនឹងក្រោម 20,200 ដុល្លារអាមេរិក។
