ក្នុងនោះ បច្ចេកវិទ្យាថ្មីមួយនេះ គឺត្រូវបានអភិវឌ្ឍ និងបង្កើតឡើងដោយក្រុមអ្នកស្រាវជ្រាវចិនដែលដឹកនាំដោយ
សាស្ត្រាចារ្យ Lu Wang នៅក្នុងសាកលវិទ្យាល័យចិនហុងកុងក្រុង Shenzhen (City University of Hong Kong, Shenzhen Campus) និងមានឈ្មោះថា photothermal strategy ។
ជាមួយគ្នានេះ នៅធ្វើការជាក់ស្តែងបច្ចេកវិទ្យាថ្មីមួយនេះនឹងប្រើប្រាស់នូវពន្លឺព្រះអាទិត្យ ដើម្បីបម្លែងទៅជាកំដៅ ហើយបន្ទាប់មកពួកគេនឹងប្រើប្រាស់នូវកំដៅដែលបម្លែងបាននេះដើម្បីទាញយកទឹកនៅលើផ្ទៃព្រះច័ន្ទ ហើយបន្ទាប់មក នឹងប្រើប្រាស់នូវទឹកទាំងនេះមកផ្សំជាមួយឧស្ម័នកាបូនឌីអុកស៊ីត (CO₂) ដែលយានអវកាស ឬអវកាសយានិកបានបញ្ចេញ សម្រាប់បង្កើតជាប្រតិកម្មគីមី ហើយក្នុងនោះតាមរយៈបច្ចេកវិទ្យាថ្មីមួយនេះ ពួកគេគឺអាចបង្កើតបានជាអុកស៊ីហ្សែន (O₂), អ៊ីដ្រូសែន (H₂) និងកាបូនម៉ូណូអុកស៊ីត (CO) ដែលឧស្ម័នទាំងនេះគឺមានសារៈសំខាន់ជាខ្លាំងនៅក្នុងវិស័យអវកាស។
គួរបញ្ជាក់ថា នៅក្នុងការពិសោធន៍បច្ចេកវិទ្យាថ្មីមួយនេះ អ្នកវិទ្យាសាស្រ្តចិនគឺបានប្រើប្រាស់នូវសំណាកធូលីពិតៗដែលត្រូវបាននាំយកមកពីផ្ទៃព្រះច័ន្ទ ហើយបច្ចេកវិទ្យាថ្មីនេះទៀតសោកក៏នឹងជួយកាត់បន្ថយការពឹងផ្អែកនៅលើធនធានជាច្រើនពីផែនដីនៅក្នុងគម្រោងសាងសង់មូលដ្ឋាននៅលើព្រះច័ន្ទក្នុងឆ្នាំ 2035 ខាងមុខរបស់ពួួកគេផងដែរ៕
