Ford បានបង្ហាញម៉ូដែលអគ្គិសនីសុទ្ធ (BEV) និងអគ្គិសនីបន្ថែមចម្ងាយ (EREV) របស់រថយន្ត Ford Bronco នៅក្នុងប្រទេសចិន។ រថយន្តអគ្គិសនីថ្មីនេះនឹងផលិតដោយក្រុមហ៊ុនរួម Jiangling Motors (JMC) និង Ford នៅខេត្ត Jiangxi។ វានឹងមាន lidar, ប្រើថ្មពីក្រុមហ៊ុន BYD ហើយមានចម្ងាយបើកដែលមានការវ៉ាស់វេងដោយ CLTC រហូតដល់ 650 គីឡូម៉ែត្រ។
Ford China បានបង្ហាញរូបភាពជាប្រភេទ teaser តែប៉ុណ្ណោះ ប៉ុន្តែអំណោយផលនៃឯកសារចុះឈ្មោះនៅក្រសួងឧស្សាហកម្ម និងព័ត៌មានវិទ្យាចិន (MIIT) បានបង្ហាញលម្អិតអំពីពត៌មានបច្ចេកទេសសំខាន់ៗរបស់រថយន្តនេះ។
Ford Bronco EV ជា SUV មាន 5 កៅអីមានទំហំ ប្រវែងបណ្តោយ 5,025 មម, ទទឹង៖ 1,960 មម, កម្ពស់៖ 1,815 មម, ចន្លោះកង់មុខទៅក្រោយ 2,950 មម មិងមានទំងន់ទំនេរ 2,630 គីឡូក្រាម។
រថយន្តអគ្គិសនីសុទ្ធនេះមានប្រព័ន្ធ (AWD) ដោយមានម៉ូទ័រខាងមុខ 130 kW និងម៉ូទ័រខាងក្រោយ 202 kW ដែលផ្ដល់កម្លាំងសរុប 232 kW (311 សេះ)។ ល្បឿនអតិបរមា 170 គីឡូម៉ែត្រក្នុងម៉ោង។
Bronco EV ប្រើថ្ម Lithium Iron Phosphate (LFP) បែប blade ជាផលិតផលរបស់ BYD មានសមត្ថភាព 105.4 kWh ដែលអាចបើកបានរហូតដល់ 650 គម (តាមស្តង់ដារ CLTC)។ រូបភាពពីឯកសារពី MIIT បង្ហាញថា រថយន្តនេះមាន lidar នៅខាងលើកញ្ចក់មុខ បញ្ជាក់ថា Ford មានគម្រោងបន្ថែមប្រព័ន្ធជំនួយអ្នកបើក Advanced ADAS ចូលទៅក្នុង Bronco ជំនាន់ថ្មីនេះ។
ម៉ូដែល Hybrid EREV (Extended-Range Electric Vehicle) របស់ Ford Bronco ម៉ូដែលនេះនឹងប្រើម៉ូទ័រអគ្គិសនីខាងមុខដូចគ្នា និងម៉ូទ័រខាងក្រោយ 180 kW ដែលមានកម្លាំងតិចជាង លើសពីនេះ វានឹងមានម៉ាស៊ីនសាំង 1.5 លីត្រ ដែលផ្ដល់ថាមពល 110 kW។ ជារថយន្ត EREV, ម៉ាស៊ីនសាំងមិនភ្ជាប់ផ្ទាល់ទៅនឹងកង់ទេវាធ្វើតួនាទីជាឧបករណ៍បង្កើតថាមពលសម្រាប់សាកថ្មឬជួយម៉ូទ័រអគ្គិសនី។
Bronco EREV មានថ្ម 43.7 kWh អាចបើកដោយអគ្គិសនីសុទ្ធបាន 220 គីឡូម៉ែត្រ បើបញ្ចូលជាមួយម៉ាស៊ីនសាំង 1.5L វាអាចបើកបានសរុបរហូតដល់ 1,220 គីឡូម៉ែត្រ និងទំងន់ទទេរគឺ 2,510 គីឡូក្រាម។
