បន្ទាប់ពីបានប្រកាសចេញលក់នូវស្មាតហ្វូនបត់ ៣តង់ របស់ខ្លួនកាលពីឆ្នាំមុន និងទទួលបាននូវការគាំទ្រយ៉ាងច្រើនពីសំណាក់អ្នកគាំទ្ររបស់ខ្លួន ក៏ដូចជាអ្នកប្រើប្រាស់ជុំវិញពិភពលោក ពេលនេះ ក្រុមហ៊ុន Huawei គឺត្រូវបានគេរាយការណ៍ថា បាន និងកំពុងត្រៀមប្រកាសចេញនូវស្មាតហ្វូនបត់ ៣តង់ ជំនាន់ថ្មី ឬជំនាន់ទី២ របស់ខ្លួនហើយ ដោយគ្រោងនឹងធ្វើឡើងនៅចុងឆ្នាំ២០២៥ នេះ នៅក្នុងទីផ្សារប្រទេសចិន។
ពាណិជ្ជកម្ម
ក្នុងនោះ ចំពោះស្មាតហ្វូនបត់ ៣តង់ ថ្មីនេះ គឺត្រូវបានគេរាយការណ៍ថា នឹងគាំទ្រនូវការតភ្ជាប់ 5G និងមុខងារទំនាក់ទំនងផ្កាយរណប ប៉ុន្តែព័ត៌មានលម្អិតមិនទាន់បង្ហាញចេញនៅឡើយទេ តែអាចនឹងរក្សានូវអេក្រង់ទំហំ ១០,២ ដដែល។ លើសពីនេះ ក៏អាចនឹងទទួលបាននូវបន្ទឈីបថ្មី Kirin 9020 និង eSIM ផងដែរ។
គួរបញ្ជាក់ថា សម្រាប់ស្មាតហ្វូននេះ គឺនឹងប្រកាសចេញជាផ្លូវការនៅក្នុងអំឡុងខែកញ្ញាខាងមុខនេះហើយ សម្រាប់ទីផ្សារប្រទេសចិន និងដើម្បីប្រកួតប្រជែងជាមួយនឹង iPhone 17 Series របស់ Apple និងស្មាតហ្វូនបត់ ៣តង់ របស់ Samsung ៕