នេះជារថយន្ត SUV ម៉ូដែលអគ្គិសនី (EREV) ទំហំធំពីក្រុមហ៊ុន IM Motors ការបង្ហាញជាផ្លូវការរបស់វាត្រូវបានកំណត់ក្នុងត្រីមាសទី 4 នៃឆ្នាំនេះ។ រថយន្តថ្មីនេះត្រូវបានគេឃើញនៅចុងខែមិថុនាឆ្នាំនេះក្នុងប្រទេសចិន បន្ទាប់ពីចេញជាផ្លូវការ វានឹងច្របាច់ជាមួយ Li L9 និង Denza N9 ជាគូប្រកួតផ្ទាល់។ IM Motors គឺជាគម្រោងរួម រវាងក្រុមហ៊ុន SAIC និង Alibaba បច្ចុប្បន្ន IM Motors មានផលិតផលចេញលក់រួចរួមមាន IM L6, LS6, LS7 និង L7។
រថយន្ត SUV មាន 6 កៅអី IM LS9 មានទំហំបណ្តោយ 5279 មម/ ទទឹង 2000 មម/ កម្ពស់ 1806 មម ដោយមានចន្លោះកង់ 3160 មម និងមានទំងន់ទំនេរ 2,695 គីឡូក្រាម។ វារចនាជាប្រភេទ 2+2+2 វាមានជម្រើសទំហំកង់រួមមាន 255/50 R20, 265/45 R21 និង HL265/40 R22។
IM Motors បានចេញរូបផ្លូវការរបស់ IM LS9 ផ្នែកខាងមុខមានរចនាផ្ទៃបិទជិត និងមានរាងជាខ្សែរបន្ទាត់លើ hood ម៉ាស៊ីន និងពន្លឺរាងអក្សរទី “T” ដែលភ្ជាប់ជាបន្ទាត់ពីចំហៀងមួយទៅមួយ។ បន្ទះ Chrome ត្រូវបានប្រើនៅផ្នែកខាងមុខ ខាងក្រោយ ក្រោមទ្វារថយន្ត និងបង្អួច។ វាបំពាក់ដោយ lidar នៅលើដំបូល ប្រព័ន្ធបើកបរដែលបានផ្ដល់សញ្ញារដោយ Momenta។
IM LS9 មានម៉ាស៊ីន 1.5T ជាម៉ាស៊ីនបន្ថែមថាមពល មានកម្លាំងអតិបរមា 114 គីឡូវ៉ាត់ (153 សេះ) រួមគ្នាជាមួយម៉ូទ័រអគ្គិសនីពីរខាងមុខ និងខាងក្រោយ មានកម្លាំង 160 គីឡូវ៉ាត់ (215 សេះ) និង 230 គីឡូវ៉ាត់ (308 សេះ) ដោយវាមានល្បឿនអតិបរមាគឺ 220 គីឡូម៉ែត្រក្នុងមួយម៉ោង។
ក្នុងពេលដូចគ្នា IM LS9 មានផែនការត្រូវបំពាក់ជាមួយថ្ម Freevoy របស់ CATL ដែលអាចផ្ដល់ចម្ងាយបើកបរដោយអគ្គិសនីសុទ្ធដល់ទៅ 450 គីឡូម៉ែត្រ និងបំពាក់បច្ចេកវិទ្យា X-by-Wire ជំនាន់ទី 3 របស់ IM Motors ដែលអាចបំពេញការបត់កង់មុខនិងក្រោយ និងការបញ្ជាកង់ទាំងបួនកង់ផ្ទាល់ (four-wheel vector power control)។
