បន្ទាប់ពីមានការបញ្ជាក់ពីសំណាក់ប្រធានក្រុមហ៊ុន Samsung Electronics លោក TM Roh ថា ស្មាតហ្វូនបត់ ៣តង់ របស់ពួកគេនឹងប្រកាសចេញជាផ្លូវការនៅចុងឆ្នាំ ២០២៥ នេះ ពេលនេះ គឺមានការបង្ហាញចេញនូវឈ្មោះរបស់ស្មាតហ្វូនមួយនេះហើយ ដោយអាចនឹងមានឈ្មោះថា Samsung Galaxy Tri-fold ។
ពាណិជ្ជកម្ម
ក្នុងនោះ សម្រាប់ស្មាតហ្វូនបត់ ៣តង់ ដំបូងរបស់ក្រុមហ៊ុន Samsung នេះ គឺនឹងទទួលបាននូវការរចនាជាមួយតួខ្លួនដែលមានកម្រាស់ស្តើងបំផុត ហើយក៏នឹងទទួលបាននូវលក្ខណៈពិសេសៗជាច្រើនផងដែរ ប៉ុន្តែព័ត៌មានលម្អិតមិនទាន់បង្ហាញចេញនៅឡើយទេ។
គួរបញ្ជាក់ថា សម្រាប់ស្មាតហ្វូនបត់ ៣តង់នេះផ្ទាល់ ក្រុមហ៊ុន Samsung អាចនឹងប្រកាសចេញលក់ក្នុងចំនួនកំណត់ និងនៅក្នុងតែប្រទេសខ្លះៗដូចជាសហរដ្ឋអាមេរិក កូរ៉េខាងត្បូង និងតំបន់អឺរ៉ុបប៉ុណ្ណោះ ដើម្បីសាកល្បងពីចំណាប់អារម្មណ៍របស់អ្នកប្រើប្រាស់ទៅលើស្មាតហ្វូនសេរីថ្មីមួយម៉ូឌែលនេះ៕