បើយោងតាមការរាយការណ៍ពីសារព័ត៌មានរបស់ប្រទេសចិននៅក្នុងថ្ងៃនេះបានឲដឹងថា ស្មាតហ្វូនសេរ៊ីថ្មីរបស់ក្រុមហ៊ុន Samsung គឺ Galaxy S26 Ultra ដែលអាចនឹងប្រកាសចេញនៅដើមឆ្នាំក្រោយនេះ អាចនឹងមាននូវការអាប់ឌែតថ្មីជាលក្ខណៈធំដុំទៅលើផ្នែកកាមេរ៉ាហើយ។
ពាណិជ្ជកម្ម
ក្នុងនោះ Galaxy S26 Ultra គឺត្រូវបានគេអះអាងថា នឹងប្រើប្រាស់នូវសេនស័រថ្មីដែលផលិតដោយក្រុមហ៊ុន Sony មានទំហំ 200 MP 1/1.1″ ដែលធំជាងសេនស័រ Samsung ISOCELL HP2 នៅលើ Galaxy S25 Ultra ដែលមានទំហំត្រឹមតែ 1/1.3″ ប៉ុណ្ណោះ។ លើសពីនេះ សម្រាប់លេន Telephoto វិញ ក៏អាចនឹងទទួលបាននូវការផ្លាស់ប្តូរថ្មីផងដែរ ដោយផ្លាស់ប្តូរពី 10MP ទៅ 12MP 3x Optical Zoom វិញ។
គួរបញ្ជាក់ថា បើទោះបីជាមានចំនួនភីកសែលដូចគ្នាក៏ដោយ ក៏ប៉ុន្តែការផ្លាស់ប្តូរសេនស័រថ្មីនេះក៏នឹងអនុញ្ញាតឲ្យមាននូវចាប់យកពន្លឺបានកាន់តែច្រើនជាងមុន និងមានគុណភាពល្អជាងមុនផងដែរ៕