នៅក្នុងព្រឹត្តិការណ៍ Unpacked ដែលទើបនឹងប្រព្រឹត្តទៅថ្មីៗនេះ ក្រុមហ៊ុន Samsung គឺបានប្រកាសដាក់បង្ហាញចេញនូវទូរស័ព្ទបត់ជំនាន់ថ្មីៗរបស់ខ្លួនជាច្រើនដែលក្នុងនោះគឺរួមមាន Galaxy Z Flip7 និង Galaxy Z Fold7, ប៉ុន្តែចំណុចមួយដែលធ្វើឲ្យមានសំណួរពីអ្នកគាំទ្រជាច្រើនគឺហេតុអ្វីបានជា Flip7 មានការកែលម្អថ្ម ហើយ Fold7 មិនមានការផ្លាស់ប្តូរ?
ក្នុងនោះ នៅពេលដែលអ្នកសារព័ត៌មានរបស់ SamMobile បានសួរទៅកាន់ក្រុមហ៊ុន Samsung ផ្ទាល់ ពួកគេគឺបាននិយាយថា ការកែលម្អថ្មនៅលើ Galaxy Z Flip គឺដោយសារតែមានការទាមទារពីអ្នកប្រើប្រាស់ជាច្រើន តែចំពោះ Galaxy Z Fold7 វិញ អ្នកប្រើប្រាស់ភាគច្រើនគឺចាប់អារម្មណ៍ទៅលើផ្នែកកាមេរ៉ា អេក្រង់ និងតួខ្លួនច្រើនជាងទំហំថាមពលថ្ម ដូចនេះទើបបានជាពួកគេបង្កើនទំហំថាមពលថ្មនៅលើ Galaxy Z Fold7 ។
ជាមួយគ្នានេះ បើទោះបីជាមានការបង្កើនទំហំថាមពលថ្មនៅលើ Galaxy Z Flip ក៏ដោយ ក៏វានៅតែមានថាមពលថ្មទាបជាង Galaxy Z Fold7 ផងដែរ ដោយ Galaxy Z Flip7 គឺមានថាមពលថ្ម 4300mAh ហើយ Galaxy Z Fold7 វិញ គឺមានថាមពលថ្ម 4400mAh ៕