បន្ទាប់ពីប្រកាសដាក់ឲប្រើអស់រយៈពេលជិត ២០ឆ្នាំ និងទទួលបាននូវការប្រើប្រាស់យ៉ាងភ្លុកទឹកភ្លុកដី ពេលនេះ កម្មវិធី web browser របស់ Google គឺ Chrome អាចនឹងមានគូរប្រកួតប្រជែងថ្មីហើយ ដោយនៅក្នុងពេលថ្មីៗនេះ ក្រុមហ៊ុន OpenAI គឺបានកំពុង និងរៀបចំបង្កើតនូវ web browser ថ្មីមួយដើម្បីជំនួសកម្មវិធី Chrome របស់ Google និង Safari របស់ Apple ហើយ។
ក្នុងនោះ កម្មវិធីថ្មីនេះគឺត្រូវបានគេរាយការណ៍ថានឹងមានមូលដ្ឋានខ្លះដូចគ្នានឹង Chrome របស់ Google ដែរ ប៉ុន្តែចំណុចខ្លាំងរបស់វាគឺការរួមបញ្ចូលនូវមុខងារ AI នៅក្នុងកម្មវិធីដោយផ្ទាល់ដូចគ្នានឹង ChatGPT អញ្ជឹង ដើម្បីជួយឲអ្នកប្រើប្រាស់អាចស្វែងរកទិន្នន័យ និងព័ត៌មានបានងាយស្រួល និងឆាប់រហ័សជាងមុន។ លើសពីនេះ កម្មវិធីថ្មីនេះក៏ត្រូវបានគេអះអាងថានឹងក្លាយជាជម្រើសថ្មីដែលអាចបំពេញ ឬជំនួសកម្មវិធី web browser ដ៏ចាស់គំរិលមួយចំនួនផងដែរ ពោលគឺកម្មវិធីថ្មីនេះមិនចាំបាច់ត្រូវចុចចូលតំណលីងដូចមុននោះឡើយ។
គួរបញ្ជាក់ថា ទោះបីជាមានការព្រួយបារម្ភខ្លះអំពីទិន្នន័យផ្ទាល់ខ្លួនក៏ដោយ ក៏ប៉ុន្តែក្រុមហ៊ុន OpenAI ផ្ទាល់ក៏បានបង្កើតនូវប្រព័ន្ធការពារថ្មីដើម្បីអាចគ្រប់គ្រង និងការពារទិន្នន័យរបស់អ្នកប្រើប្រាស់ឲកាន់តែប្រសើរឡើងជាងមុខផងដែរ ហើយអាចនឹងដាក់ឲប្រើប្រាស់ជាផ្លូវការនៅក្នុងរយៈពេលប៉ុន្មានសប្តាហ៍ខាងមុខទៀតនេះ៕