រថយន្ត SUV តូចៗ គឺជាប្រភេទរថយន្តពេញនិយមបំផុត ហើយ Mazda CX-5 ក៏ជារថយន្តមួយក្នុងចំណោមដែលមនុស្សជាច្រើនស្រលាញ់ក្នុងរយៈពេលជាង ១០ ឆ្នាំកន្លងមក។ ពោលគឺជារថយន្តដែលមានរចនាស្អាត បច្ចេកវិជ្ជាខ្ពស់ ជាមួយពណ៌ Soul Red ឥឡូវនេះ Mazda បានធ្វើការបញ្ចេញមួយម៉ូឌែលទៀត ដើម្បីចូលក្នុងជំនាន់ថ្មីនោះគឺ Mazda CX-5 ឆ្នាំ 2026។
ការអភិវឌ្ឍថ្មីរបស់ CX-5 ដោយអ្នករចនារបស់ Mazda តែងតែទទួលការសរសើរថាជាការល្អបំផុតក្នុងឧស្សាហកម្មរថយន្ត ព្រោះ CX-5 ថ្មីនេះមានទំហំធំជាងមុន មានរូបរាងស្រស់ស្អាតជាងគូប្រកួត ដូចជា Hyundai Tucson ការរចនាថ្មីៗរបស់វាហាក់ដូចជាមានលក្ខណៈស្រដៀងទៅនឹងម៉ូដែល CX-50, CX-70 និង CX-90 ដោយមានភ្លើងមុខវែង និងភ្លើងបំភ្លើពេលថ្ងៃបែបថ្មី ពិសេស វាជារថយន្តដំបូងដែលប្រើ សញ្ញារបស់ម៉ាក Mazda ដោយជំនួសនិមិត្តសញ្ញាចាស់នៅខាងក្រោយជាមួយអក្សរ “MAZDA” ឱ្យឃើញច្បាស់ៗ។
CX-5 ថ្មីវែងជាងម៉ូឌែលមុន ៤.៥ អ៊ីញ, ក៏ធំជាងប្រហែល ពាក់កណ្តាលអ៊ីញ និងមានគម្លាត់កង់វែងជាងសេរីមុន ៣ អ៊ីញ (សរុបបានប្រហែល 109.2 អ៊ីញ រវាងកង់មុខ និងកង់ក្រោយ)។ ទំហំថ្មីនេះនឹងជួយឱ្យមានកន្លែងទូលាយច្រើនជាងមុនសម្រាប់អ្នកដំណើរ និងឥវ៉ាន់ Mazda ក៏បានធ្វើឱ្យ ឃ្លុបក្រោយកាន់តែងាយស្រួលបើកបិទ និងដាក់ឥវ៉ាន់។
ជាមួយម៉ាស៊ីននិងបច្ចេកវិជ្ជាថ្មីនៅពេល CX-5 2026 ចូលទីផ្សារ វានឹងបន្តប្រើម៉ាស៊ីនចាស់ គឺម៉ាស៊ីន 2.5L ស៊ីឡាំង ៤ មិនមាន turbo, ផលិតកម្លាំង 187 hp ជាមួយប្រព័ន្ធ All-Wheel Drive និងប្រើប្រអប់លេខ 6-វគ្គ ដូចដើម Mazda កំពុងកែប្រែ software ដើម្បីឱ្យម៉ាស៊ីនស្ទុះជាងមុន ហើយ Mazda មិនទាន់បញ្ជាក់អំពីការបន្តផ្គត់ផ្គង់ម៉ាស៊ីន turbo 256 hp នោះទេ Mazda បំពាក់ការថែម ជម្រើស Hybrid ក្នុងឆ្នាំ 2027 នៅជាជំនាន់បន្ទាប់។ Hybrid នេះនឹង មិនប្រើម៉ាស៊ីនរួមជាមួយ Toyota ដូចក្នុង CX-50 ទេ តែវាជាប្រព័ន្ធដែល Mazda បង្កើតឡើងដោយខ្លួនឯង ដែលត្រូវបានគេរំពឹងថា មានកម្លាំងខ្លាំង និងប្រើប្រាស់ប្រេងសន្សំជាងមុន។
ផ្នែកខាងក្នុងនៃ CX-5 ទើបចេញថ្មីនេះបន្តលក្ខណៈប្រណិតដូចជាជំនាន់មុន ដោយផ្នែកខាងលើ dashboard និងទ្វារត្រូវគេបំពាក់ជាមួយសម្ភារៈទន់ កៅអីមានម៉ូតបែប concave និងបំពាក់ក្បាលកៅអីបែបស្ដើង ទ្វារបើកចេញចូលធំជាងមុន ងាយស្រួលចេញចូល និងមានកន្លែង ដាក់កៅអីកូន នៅជួរទី ២ មានកន្លែងរន្ធសាក USB-C។
ចូលមកដល់ផ្នែក Infotainment & Technology អ្វីដែលផ្លាស់ប្ដូរដ៏ធំបំផុតគឺរួមបញ្ចូល អេក្រង់ touchscreen 12.9 អ៊ីញ (សេរីមុន 10.3 អ៊ីញ) មាន Google Built-in (Google Maps, Google Play, ល។) គាំទ្រ Wireless Apple CarPlay និង Android Auto ហើយក៏បំបាត់ rotary controller និងប៊ូតុងជាច្រើន ចំណាប់អារម្មណ៍មួយទៀតគឺ Mazda មិនប្រើ push-button shifter ដូចម៉ូដែលផ្សេងៗទេ គឺនៅប្រើ shift lever ជាស្ដង់ដារ ដែលងាយប្រើជាង។
សម្រាប់តម្លៃ និងការចេញលក់ Mazda មិនទាន់បង្ហាញតម្លៃនិងជម្រើសដូចម្ដេចទេ តែ CX-5 ឆ្នាំ 2026 នឹងចូលលក់ជាផ្លូវការ នៅដើមឆ្នាំក្រោយ គេរំពឹងថានឹងមានព័ត៌មានបន្ថែមអំពី Option និងតម្លៃក្នុងពេលឆាប់ៗនេះ។
