ក្រុមហ៊ុន Xiaomi និង Aito បានក្លាយជាអ្នកដឹកនាំនៅក្នុងទីផ្សាររថយន្តចិនផ្នែកតម្លៃលក់បន្ត យោងតាមរបាយការណ៍ “2025 H1 China Automobile Resale Value Research Report” ដែលចេញផ្សាយដោយសមាគមអ្នកជួញដូររថយន្តចិន (CADA) ដោយរបាយការណ៍នេះវាស់វែងតម្លៃលក់បន្តរយៈពេលមួយឆ្នាំសម្រាប់រថយន្តអគ្គិសនីសុទ្ធ និងរថយន្ត (Plug-in Hybrid)។
នៅក្នុងផ្នែករថយន្តអគ្គិសនីសុទ្ធ (Pure Electric Vehicle) គឺ Xiaomi SU7 បានឈរនៅលេខ១ ដោយមានតម្លៃលក់បន្តក្នុងរយៈពេលមួយឆ្នាំឈានដល់ 88.91% ដែលលើសរថយន្តពេញនិយមជាច្រើន។ ចំណែកឯ Aito M9 រថយន្តអគ្គិសនីសុទ្ធ ទទួលបានអាទិភាពលេខ ២ ដោយមានតម្លៃលក់បន្ត ១ឆ្នាំ 84.45%។ សម្រាប់រថយន្ត Plug-in Hybrid (រួមទាំង Extended-range) Aito M9 គឺបានឈរនៅលេខ១ ដោយមានតម្លៃលក់បន្ត 85.23% នៅក្នុងរយៈពេលមួយឆ្នាំ។
នេះជាចំណាត់ថ្នាក់តម្លៃលក់បន្តរយៈពេលមួយឆ្នាំរបស់រថយន្តអគ្គិសនីសុទ្ធ (Pure Electric)
នេះជាចំណាត់ថ្នាក់តម្លៃលក់បន្តរយៈពេលមួយឆ្នាំរបស់រថយន្ត Plug-in Hybrid
មានហេតុផលជាច្រើនដែលធ្វើឲ្យ Xiaomi SU7 មានតម្លៃលក់បន្តខ្ពស់ដោយសារមានការរចនារថយន្តផ្តោតលើបច្ចេកវិជ្ជាទំនើប និងរចនាបថកីឡា(sport) ហើយឥទ្ធិពលក៏ខ្លាំងរបស់ម៉ាក Xiaomi នៅលើទីផ្សារ មិនថែមតែប៉ុណ្ណោះការដឹកជញ្ជូនលឿនមានភាពច្បាស់លាស់ នាំឲ្យអ្នកទិញជាច្រើនជ្រើសរើសជាវរថយន្តដៃទី ២ ជំនួស ដោយសារតម្លៃមិនធ្លាក់ច្រើន។
