រថយន្តអគ្គិសនីបញ្ចូលម៉ាស៊ីន (PHEV) ប្រភេទ Crossover ដែលមានឈ្មោះថា Zeekr 9X ពីក្រុមហ៊ុន Geely ត្រូវបានប្រកាសបង្ហាញលក្ខណៈសម្បត្តិសំខាន់ៗនៅប្រទេសចិន មុនពេលចាប់ផ្ដើមការបើកអោយកក់នៅចុងខែសីហា។ រថយន្ត ៦ កៅអីនេះមានកម្លាំងរហូតដល់ 1,030 kW (1,381 សេះ) អាចអូសពី 0-100 គ.ម./ម៉ោងក្នុងរយៈពេល 3.1 វិនាទី ហើយមានចម្ងាយបញ្ចូលគ្នាច្រើនជាង 1,000 គ.ម.។
Zeekr 9X ជារថយន្ត SUV ទំហំធំដែលមានទំហំបណ្តោយ 5239/ ទទឹង 2029/ កម្ពស់ 1819 ម.ម. វានឹងចូលទីផ្សារចិននៅត្រីមាសទី 3 ឆ្នាំនេះ ដូចជាជាម៉ូឌែលទី ៨ របស់យីហោ Zeekr នេះគឺជារថយន្ត Zeekr ដំបូងបង្អស់ដែលប្រើគ្រោងឆ្អឹង SEA-S គូប្រជែងរបស់វាដូចជា BYD Yangwang U8 និងរថយន្ត SUV ពីម៉ាកជំនាន់ចាស់ផ្សេងទៀត។
Zeekr 9X ប្រើគ្រោងឆ្អឹង SEA-S និងបច្ចេកវិទ្យា SEA Hybrid (ឬ Haohan Hybrid) ប្រើថ្ម Freevoy 70 kWh ពីក្រុមហ៊ុន CATL ដែលធំជាងថ្ម 49 kWh របស់ Yangwang U8 ហើយសម្រាប់ចម្ងាយបើកបរដោយអគ្គិសនី ដល់ទៅ 380 គ.ម. វាក៏គាំទ្រការសាកថ្ម 6C ជាមួយប្រព័ន្ធ 900V អាចសាកពី 20% ទៅ 80% ចាយពេលតែ 9 នាទីប៉ុណ្ណោះ បើប្រៀបធៀបនឹងរថយន្តអគ្គិសនីផ្សេងៗ Zeekr 9X សាកលឿនជាង 99%។
បើនិយាយពីកម្លាំងវិញមិនធម្មតានោះទេដោយ Zeekr 9X ប្រើម៉ាស៊ីន 2.0L turbocharged ផលិតកម្លាំងបាន 205 kW (275 hp) ហើយមានម៉ូទ័រស៊ីលីកូន (SiC) ចំនួន 3 ដែលបង្កើតកម្លាំងសរុប 1,381 hp ដែលធ្វើអោយវាស្ទុះខ្លាំងពី 0-100 km/h ចាយពេលតែ 3.1 វិនាទី និងល្បឿនកំពូលរបស់វា 240 km/h។ រថយន្តនេះក៏ប្រើជាមួយប៊ូមខ្យល់ដើម្បីលៃតម្រូវកម្ពស់រថយន្តបាន 110 mm (អតិបរមា 288 mm) ជើងក្រោមប្រើប្រព័ន្ធ stabilizer ដោយថាមពល 48V ដែលជួយកាត់បន្ថយការលាន់ខ្លួន, មានប្រព័ន្ធជំនួយបើកបរ (Driving Assistance) ម៉ូឌែលកំពូលប្រើ G-Pilot H9 មាន 5 LiDAR និង 2 chip Nvidia Thor (1400 TOPS – L3-ready) ហើយម៉ូឌែលដំបូងប្រើ G-Pilot H7 (chip ទោល 700 TOPS)។
ចូលមកដល់ផ្នែកខាងក្នុង Zeekr 9X មាន 6 កៅអីមានការចនា (2+2+2) ជាមួយកៅអីពិសេសនៅជួរទី 2 ជាប្រភេទបញ្ជាដោយប្រព័ន្ធអេឡិចត្រូនិច្ច និងកៅអីខាងមុខជាប្រភេទស្បែកនិងសម្លេងក្នុង headrest សម្រាប់ Console កណ្ដាលមានអេក្រង់អេឡិចត្រូនិចធំ និងប៊ូតុងនៅខាងក្រោម, មាន wireless charging 2 ចំណុច, gear shifter ជាគ្រីស្តាល់ និងប៊ូតុងសម្រាប់បើកបរ បង្ហាញនូវកម្រិតខ្ពស់នៃរចនាបថ និងគុណភាពក្នុងផ្នែកផ្នែកខាងក្នុង។
Zeekr 9X នឹងចាប់ផ្ដើមបើកអោយកក់នៅ Chengdu Auto Show ឆ្នាំ 2025 (ចុងខែសីហា) ហើយនឹងចូលទីផ្សារនៅត្រីមាសទី ៣ ឆ្នាំ ២០២៥។
