បន្ទាប់ពីលោក Jeff Williams ដែលបានត្រូវបានគេប្រៀបប្រដូចជា Tim Cook ទី ២ ដែលបានធ្វើការជាមួយនឹងក្រុមហ៊ុន Apple ចាប់តាំងពីឆ្នាំ 1998 និងកាន់តំណែងជាប្រធានផ្នែកប្រតិបត្តិការ ឬ COO ចាប់តាំងពីឆ្នាំ 2010 មក ប្រកាសថាលោកនឹងចូលនិវត្តន៍នៅចុងឆ្នាំ 2025 នេះ ពេលនេះ ក្រុមហ៊ុន Apple ផ្ទាល់គឺបានប្រកាសតែងតាំងលោក Sabih Khan ជាប្រធានផ្នែកប្រតិបត្តិការ ឬ COO ថ្មីរបស់ក្រុមហ៊ុនហើយ ដោយនឹងចាប់ផ្តើមតួនាទីជាផ្លូវការនៅចុងខែកក្កដានេះ ប៉ុន្តែនៅក្នុងតំណែងថ្មីជា COO នេះ លោក Sabih Khan នឹងរាយការណ៍ព័ត៌មានដោយផ្ទាល់ទៅកាន់លោក Tim Cook ។
បើក្រលេកទៅមើលប្រវត្តិរបស់លោក Sabih Khan ដែលជាបុគ្គលិកវ័យចាស់វស្សាអាយុ 59 ឆ្នាំ រូបនេះវិញ គឺលោកបានចូលរួមធ្វើជាមួយ Apple ចាប់តាំងពីឆ្នាំ 1995 មកម្លេះ នឹងមានអាយុប្អូនលោក Tim Cook ចំនួន ៤ឆ្នាំ។ ចំពោះបទពិសោធន៍របស់លោក Sabih Khan គឺមានបទពិសោធន៍ជាច្រើននៅក្នុងការគ្រប់គ្រងផ្នែកផលិតកម្ម និងការផ្គត់ផ្គង់ ហើយលោកធ្លាប់ជួយដឹកនាំការផលិតបច្ចេកវិទ្យាថ្មីៗនៅក្នុងសហរដ្ឋអាមេរិក និងពង្រីកប្រតិបត្តិការរបស់ក្រុមហ៊ុនទៅទូទាំងពិភពលោកផងដែរ។
គួរបញ្ជាក់ថា ទោះជាលោក Sabih Khan មានភាពរយខ្ពស់ដែលអាចនឹងក្លាយជា CEO ថ្មីរបស់ក្រុមហ៊ុន Apple នាពេលអនាគត បន្ទាប់ពីលោក Tim Cook ប្រកាសចូលនិវត្តន៍ក៏ដោយ ក៏ប៉ុន្តែលោក Sabih Khan នេះ ក៏មាននូវគូរប្រកួតប្រជែងជាច្រើនដូចជាលោក John Ternus ផងដែរ៕