បន្ទាប់ពីចាយពេល ១ឆ្នាំពេញ ពេលនេះ ក្រុមហ៊ុន Samsung បានធ្វើឲអ្នកប្រើប្រាស់របស់ខ្លួនមានការភ្ញាក់ផ្អើលហើយ ដោយបានធ្វើការអាប់ឌែតជាច្រើនទៅលើស្មាតហ្វូនបត់ជំនាន់ថ្មីរបស់ខ្លួន ហើយនោះគឺជា Galaxy Z Fold7 និង Galaxy Z Flip7 ។
ចំពោះ Galaxy Z Fold7 គឺទទួលបាននូវអេក្រង់ធំជាងមុខដល់ទៅ 8 អ៊ីញ ឯណ្ណោះ នៅពេលបើកចេញអស់ ហើយអេក្រង់ខាងក្រៅវិញក៏មានទំហំធំជាងមុនផងដែរ ពោលគឺមានទំហំ 6.5 អ៊ីញ។ ចំណែកផ្នែកកាមេរ៉ាវិញ គឺទទួលបានលេនគោលថ្មី 200MP ជាលើកដំបូងនៅក្នុងត្រកូល Z Fold ហើយកាមេរ៉ាផ្សេងៗវិញគឺរក្សានៅដដែល ប៉ុន្តែក៏បានជំនួសកាមេរ៉ាក្រោមអេក្រង់មកវិញដោយលេន 10MP ផងដែរ។
ជាមួយគ្នានេះ មកលើកនេះ Galaxy Z Fold7 គឺទទួលបាននូវឈីប Snapdragon 8 Elite ជាមួយនឹង Android 16 ក៏ដូចជា One UI 8 ចេញពីប្រអប់តែម្តង ហើយកម្រាស់ និងទម្ងន់វិញក៏ស្តើងជាងមុខផងដែរ ពោលគឺមានទម្ងន់ត្រឹមតែ 215 ក្រាម និងកម្រាស់ 8.9 mm ពេលបត់ និង 4.2 mm ពេលលាត ខណៈអាវការពារ ថ្ម និងដុំសាកគឺរក្សានៅដដែរ។
សម្រាប់ Galaxy Z Flip7 វិញ ក៏ទទួលបាននូវការអាប់ឌែតទៅលើផ្នែកអេក្រង់ឲធំជាងមុន និងមានទម្ងន់ ក៏ដូចជាកម្រាស់ កាន់តែស្ដើង និងស្រាលជាងមុនផងដែរ ប៉ុន្តែប្រើឈីប Exynos 2500 តែប៉ុណ្ណោះ។ លើសពីនេះ ក្រុមហ៊ុន Samsung ក៏បានបន្ថែមនូវម៉ូឌែលពិសេស Galaxy Z Flip7 FE ផងដែរ។
ចំពោះតម្លៃវិញ Galaxy Z Fold7 គឺមានតម្លៃលក់ចាប់ពី ១ ៩៩៩ដុល្លារ ហើយ Galaxy Z Flip7 មានតម្លៃលក់ចាប់ពី ១ ០៩៩ដុល្លារ និងម៉ូឌែលពិសេស Galaxy Z Flip7 FE មានតម្លៃលក់ចាប់ពី ៨៩៩ដុល្លារ៕
