រថយន្ត Xpeng P7 ជំនាន់ថ្មីបានផ្ទុះការចាប់អារម្មណ៍ បន្ទាប់ពីត្រូវបានគេឃើញថាកំពុងតែត្រូវផលិតដោយច្រើនគ្រឿង នៅក្នុងបរិវេណរោងចក្រផលិតរថយន្តរបស់ក្រុមហ៊ុន។ រថយន្ត P7 ជាជម្រើសសំខាន់ក្នុងជួរផលិតផលដំបូងរបស់ Xpeng ហើយជំនាន់ដែលបានរចនាឡើងវិញនេះ មានគោលបំណងប្រកួតប្រជែងជាមួយក្រុមហ៊ុនដទៃ ដូចជា Xiaomi SU7 និង Tesla Model 3 ក្នុងផ្នែករថយន្ត fastback អគ្គិសនីមធ្យមទៅធំ។
អាស្រ័យលើរូបភាពដែលបានផ្សាយដោយ Sugar Design យើងឃើញថា P7 ជំនាន់ថ្មីនេះបានចាប់ផ្តើមផ្ទុកជាច្រើនគ្រឿងនៅចំណតរថយន្តរបស់រោងចក្រ នៅខែឧសភា ការធ្វើបច្ចុប្បន្នភាពលើម៉ូដែលនេះកំពុងបន្តរហ័ស ដូច្នេះគេរំពឹងថាការដាក់លក់ជាផ្លូវការអាចនឹងកើតឡើងនៅ ខែសីហា ឆ្នាំ 2025។
រចនាបថខាងក្រៅ P7 បានទទួលរចនាបថថ្មីនៃក្រុមហ៊ុន Xpeng ដែលមានរាងមាំ និងមានសាច់ដុំជាងមុន ភ្លើងខាងមុខត្រូវបានរចនាបែប “X-shape” ហើយភ្ជាប់គ្នាជារខ្សែភ្លើងពេញផ្ទែខាងមុខ។
ផ្នែកខាងក្រោយមានដំបូលបែប fastback ទាប ជាមួយភ្លើងខាងក្រោយក៏មានរចនាបថ “X-shape” ដូចគ្នា អ្វីដែលគួរអោយចាប់អារម្មណ៍វាមានទ្វារបែបបើកឡើងលើ (“wing doors”)។ ទំហំនៃរថយន្តនេះមានប្រវែង: 5,017 មម, ទទឹង: 1,970 មម, កម្ពស់: 1,427 មម, ចន្លោះកង់មុខទៅក្រោយ: 3,008 មម (វាស្ថិតក្នុងចំណោមរថយន្តសេដានទំហំធំ)។
ផ្នែកខាងក្នុងរូបភាពផ្លូវការនៅក្នុងឡានមិនទាន់ត្រូវបានបង្ហាញទេ ប៉ុន្តែរូបភាពសម្ងាត់មួយចំនួនបង្ហាញថា P7 នឹងមានផ្នែកខាងក្នុងដែលសាមញ្ញនិងទាន់សម័យ ដូចជា៖ មានអេក្រង់បង្ហាញព័ត៌មានរថយន្ត, អេក្រង់ Touch Screen កណ្តាល អាចមានអេក្រង់សម្រាប់អ្នកជិះនៅខាងមុខផងដែរ។ វាក៏មានបច្ចេកវិទ្យាសម្របសម្រួលពេលធ្វើដំណើរ ដូចជាកន្លែងសាកថ្មឥតខ្សែ, ប្រព័ន្ធជំនួយអ្នកបើកបរទំនើប (ប្រើប្រព័ន្ធកាមេរ៉ាជាលក្ខណៈសំខាន់)
Xpeng P7 ក៏មានពីជម្រើសដែរក្នុងនោះមានជាប្រភេទ RWD មានម៉ូទ័រ 270 kW និង AWD មានម៉ូទ័រ 2គ្រឿង (មុខ 167 kW + ក្រោយ 270 kW) = 437 kW និងមានមានជម្រើសកញ្ចប់អាគុយពីគឺ 74.9 kWh និង 92.2 kWh ចម្ងាយបើកបរសម្រាប់ RWD ធម្មតា: 702 គម , RWD Long Reang មានចម្ងាយ 820 គម ហើយសម្រាប់ប្រភេទ AWD មានចម្ងាយ 750 គម ដែលវាស់វេងដោយ CLTC
Xpeng P7 មានបច្ចេកវិទ្យាសាកថ្មគាំទ្រដោយ 800V SiC និង 5C fast charging (ដូចរថយន្ត Xpeng G7) អាចសាក 0% → 436 គម ក្នុងរយៈពេលតែ 10 នាទី។
Xpeng P7 ដំបូងត្រូវបានបង្ហាញជាផ្លូវការនៅឆ្នាំ 2020 ហើយក្លាយជាម៉ូដែលល្បីមួយរបស់ក្រុមហ៊ុន បច្ចុប្បន្នជាជំនាន់បន្ត នៅពេលដែលទីផ្សាររថយន្តអគ្គិសនីកំពុងរីកចម្រើនលឿននៅចិន ដោយមាន Xiaomi និង Tesla ជាអ្នកដនាំមុខ Xpeng សង្ឃឹមថា P7 នេះនឹងជួយពង្រឹងទីផ្សារឡើងវិញហើយការបង្ហាញជាផ្លូវការគេរំពឹងនៅខែ សីហា 2025 ហើយព័ត៌មានលម្អិតអំពីតម្លៃ ជម្រើសត្រីម និងផ្នែកខាងក្នុងនឹងត្រូវប្រកាសនៅពេលខាងមុខ។
