បន្ទាប់ពីបានប្រកាសទិញយកនូវក្រុមហ៊ុន AI startup មួយមានឈ្មោះថា “io” កាលពីថ្មីៗនេះ ពេលនេះ ក្រុមហ៊ុន OpenAI ដែលជាក្រុមហ៊ុនធំរបស់ ChatGPT គឺត្រូវបានគេរាយការណ៍ហើយថា កំពុងនឹងអភិវឌ្ឍន៍ ក៏ដូចបង្កើតនូវឧបករណ៍ ឬផលិតផលថ្មីមួយរបស់ខ្លួន ដែលឧបករណ៍នោះគឺបង្កើតឡើងដើម្បីជំនួសស្មាតហ្វូន កុំព្យូទ័រ នាឡិកាដៃ និងឧបករណ៍ជាច្រើនទៀតដែលមនុស្សកំពុងប្រើប្រាស់នាពេលសព្វថ្ងៃនេះ។ លើសពីនេះ ឧបករណ៍ថ្មីនេះក៏ពាក់ពន្ធនឹងបច្ចេកវិទ្យា AI របស់ពួកគេផងដែរ។
ក្នុងនោះ បើទោះបីជារូបរាង ក៏ដូចជារូបភាពរបស់ឧបករណ៍នេះមិនត្រូវបានបង្ហាញចេញក៏ដោយ ក៏ប៉ុន្តែក៏មានការរាយការណ៍មួយចំនួនបានបញ្ជាក់ឲដឹងផងដែរថា ឧបករណ៍ថ្មីនេះគឺជាឧបករណ៍ឆ្លាតវៃដែលទំហំតូច ប៉ុន្តែមិនមានអេក្រង់ទេ តែមានសមត្ថភាពយល់ដឹងពីបរិបទជុំវិញរបស់អ្នកប្រើប្រាស់ ដោយវាអាចបំពេញភារកិច្ចជំនួស ឬបន្ថែមលើស្មាតហ្វូន និងកុំព្យូទ័រយួរដៃដែលយើងកំពុងប្រើប្រាស់សព្វថ្ងៃនេះ ប៉ុន្តែមិនមែនជាឧបករណ៍ពាក់ដូចជាវ៉ែនតា ឬនាឡិកាឆ្លាតវៃនោះទេ។
