ប្រសិនបើបងប្អូនបានតាមដានលម្អិតអំពីស្មាតហ្វូនរបស់ក្រុមហ៊ុនទាំង ៣ ខាងលើនេះប្រាកដជាដឹងហើយថា ក្នុងពេលបច្ចុប្បន្ននេះ គឺមិនមានស្មាតហ្វូនមួយម៉ូឌែលណាដែលមានថាមពលថ្មលើសពី 5,000mAh ឬច្រើនជាង 5,000mAh ខ្លាំងនោះឡើយ។ ជាឧទាហរណ៍ដូចជា Galaxy S Series របស់ Samsung ចាប់តាំងពី S20 Ultra មកគឺមិនដែលមានការផ្លាស់ប្តូរទំហំថាមពលថ្មនោះឡើយ ពោលគឺវាតែងតែមាន 5,000mAh រហូតនឹង។
ក្នុងនោះ ចំពោះមូលហេតុធំដែលក្រុមហ៊ុនទាំងនេះមិនធ្វើការផ្លាស់ប្តូរនូវទំហំថាមពលថ្មរបស់ខ្លួន គឺដោយសារតែបទប្បញ្ញត្តិរបស់សហរដ្ឋអាមេរិក និងសហភាពអឺរ៉ុប, ដោយនៅក្នុងច្បាប់ 49 CFR 173.185 របស់សហរដ្ឋអាមេរិកគឺបានកំណត់ថា កោសិកាថ្ម lithium-ion របស់ស្មាតហ្វូនគឺត្រូវតែមានថាមពលមិនលើសពី 20Wh ឬ 5,000mAh នោះឡើយ ដើម្បីកុំឱ្យត្រូវចាត់ថ្នាក់ថាជាទំនិញគ្រោះថ្នាក់។
ដូចនេះ ប្រសិនបើបងប្អូនឆ្ងល់ថាតើហេតុអ្វីបានជាក្រុមហ៊ុន Samsung, Apple និង Google មិនបង្កើនទំហំថាមពលថ្មនៅលើស្មាតហ្វូនខ្លួនគឺដោយសារតែបទប្បញ្ញត្តិរបស់សហរដ្ឋអាមេរិក និងសហភាពអឺរ៉ុប៕