បន្ទាប់ពីធ្វើការសហការណ៍គ្នាអស់រយៈពេលជាច្រើនឆ្នាំ ពេលនេះ ក្រុមហ៊ុនផលិតស្មាតហ្វូនដ៏ល្បីរបស់ចិនគឺ Xiaomi គឺត្រូវបានគេរាយការណ៍ហើយថា កំពុងនឹងធ្វើនូវការផ្លាស់ប្តូរយុទ្ធសាស្ត្រថ្មីសម្រាប់ការផលិតផលិតផលរបស់ខ្លួនហើយ ដោយក្នុងនោះ ពួកគេអាចនឹងបញ្ចប់ភាពជាដៃគូជាមួយម៉ាកយីហោដ៏ល្បីគឺ Leica ។
ចំពោះការផ្លាស់ប្តូរនេះ ត្រូវបានអះអាងថាជាយុទ្ធសាស្ត្រថ្មីរបស់ក្រុមហ៊ុន Xiaomi សម្រាប់បង្ហាញចេញនូវបច្ចេកវិទ្យារូបភាពផ្ទាល់ខ្លួន និងសន្សំថ្លៃដើមក្នុងការផលិត។
បើយោងតាម Digital Chat Station បានឲដឹងថា ទូរស័ព្ទស៊េរីថ្មីរបស់ក្រុមហ៊ុន Xiaomi ដែលមានលេខកូដ SM8850 ដែលនឹងប្រកាសចេញនៅក្នុងពេលឆាប់ៗនេះ នឹងមិនប្រើប្រាស់នូវបច្ចេកវិទ្យារបស់ Leica ឬក្រុមហ៊ុនផ្សេងឡើយ តែវានឹងប្រើប្រាស់បច្ចេកវិទ្យារូបភាពដែលអភិវឌ្ឍដោយ Xiaomi ផ្ទាល់ ខណៈព័ត៌មានលម្អិតមិនទាន់បង្ហាញចេញនៅឡើយទេ។
ម្យ៉ាងវិញទៀត ម៉ូដែលខ្នាតកំពូលរបស់ Xiaomi ដូចជា Xiaomi 16, 16 Pro, 16 Ultra, Redmi K90 Pro និង Poco F8 Ultra ក៏នឹងបញ្ចូលនូវការផ្លាស់ប្តូរថ្មីនេះផងដែរ៕