Onvo L90 ដែលជារៀល SUV ទំហំធំ និងមានគោលដៅចូលទៅទីផ្សារទូទៅ Nio បានបង្ហាញជាផ្លូវការផ្នែកផ្ទៃក្នុងជាលើកដំបូងនៅប្រទេសចិន។ រថយន្តអគ្គិសនីនេះមានសមត្ថភាពប្ដូរថ្មបាន និងនឹងចាប់ផ្ដើមការលក់ជាមុន (Presale) នៅថ្ងៃទី 10 ខែកក្កដា។ L90 មានថាមពលរហូតដល់ 440 kW (590 សេះ) ប្រព័ន្ធថ្មសំខាន់ 900V high-voltage system និងអាចបើកបានចម្ងាយ 605 km (ស្តង់ដារ CLTC)។
Onvo គឺជាម៉ាកច្នៃថ្មីសម្រាប់ទីផ្សារមហាជន (mass-market) ដែល Nio បានបើកឆាកនៅខែឧសភា ឆ្នាំ 2024។ បច្ចុប្បន្ន Onvo មានតែ ម៉ូដែល L60 ប៉ុណ្ណោះ ដែលជារថយន្ត SUV ដល់ខាងក្រោយបែប Fastback ប្រកួតប្រជែង Tesla Model Y។ តាមរបាយការណ៍ China EV DataTracker រថយន្ត L60 បានលក់ចាប់ពីខែកញ្ញា 2024 ដល់ឧសភា 2025 ចំនួន 46,223 គ្រឿង ប៉ុន្តែមិនអាចសម្រេចគោលដៅ 20,000 គ្រឿងក្នុងមួយខែបានឡើយ។ ដើម្បីពង្រីកទីផ្សារ Onvo បានបញ្ចេញ ម៉ូដែលទី 2 គឺ L90 ដែលជា SUV ទំហំធំ ដើម្បីចូលរួមប្រកួតក្នុងវិស័យ SUV ថាមពលថ្មីកំពុងរីកចម្រើនក្នុងប្រទេសចិន។ ថ្ងៃទី 2 ខែកក្កដា Onvo បានចែករំលែករូបភាពផ្លូវការនៃផ្ទៃក្នុងរថយន្តនេះ និងបញ្ជាក់ថា Presale នឹងចាប់ផ្ដើមថ្ងៃ 10 ខែកក្កដា។
ផ្ទៃក្នុងរថយន្ត Onvo L90 មានកៅអីបីជួរ ដែលមាន 6 កៅអី (បែប 2+2+2)។ Onvo បានប្រាប់ថា “កៅអីទាំង 6 គឺជាកៅអី VIP” ផ្ទៃក្នុងតុបតែងពណ៌ស កុងសូលកណ្តាលមានអេក្រង់ធំបែប floating និង Head-up Display ជំនួសកុងទ័រមើលល្បឿន LCD វាមានជាផ្នែកបន្ថែមដូចជា កន្លែងសាកទូរស័ព្ទឥតខ្សែ 2 កន្លែងដាក់កែវ 2 កៅអីទាំង 6 មានម៉ូទ័របញ្ជា ជួរទីមួយ និងទីពីរគាំទ្រមុខងារ Zero Gravity Mode
សម្រាប់ជួរទី 2 មានអេក្រង់ Touch Screen, ទូរទឹកកក មានអេក្រង់ពីនៅលើក្បាល (ceiling monitor)។ ផ្នែកដំបូល (sunroof) ចែកជា 2 ផ្នែកផ្សេងគ្នា។ មានផ្នែកដូចជា ប៊ូតុងបិទ-បើកជំនួសដៃទាញទ្វារ, អំពូល ambient lighting, គ្រឿងដែក Chrome, ផ្ទាំងឈើ, កៅអីជួរទីមួយអាចបត់ជាកន្លែងគេងពីរ ជួរទីបីមានប៊ូតុងបញ្ជាថាមពល, ទាំងកន្លែងដាក់កែវ និងរន្ធសាកភ្លើង។
ព័ត៌មានបន្ថែមអំពី L90៖ Onvo L90 ជា SUV ទំហំធំដែលមានទំហំបណ្តោយ 5145 × 1998 × 1766 mm ប្រើកង់ 21 អ៊ីញ។ ផ្នែកក្រៅក៏មាន បង្អួចធំ សម្រាប់គម្របផ្នែកខាងមុខមានទំហំផ្ទុក 240 លីត្រ។ ទំងន់រថយន្តសរុប2385 គីឡូក្រាម។ Onvo L90 មានជម្រើសម៉ាស៊ីន
ពីរ៖ 1.RWD មានម៉ូទ័រប្រភេទតែមួយ បង្កើតថាមពល 340 kW (456 សេះ) 2.4WD Dual motor បង្កើតថាមពលសរុប 440 kW (590 សេះ) វាដំឡើងថ្ម 85-kWh ដែលអាចបើកបានចម្ងាយ 570 – 605 km តាមស្តង់ដារ CLTC។
អ្វីពិសេស៖ L90 គាំទ្របច្ចេកវិទ្យាប្តូរថ្ម, អាចប្ដូរថ្មក្នុងរយៈពេលខ្លីតាមស្ថានីយ៍ជាង 2,000 កន្លែងទូទាំងប្រទេសចិន។ តម្លៃកំណត់លក់ជាមុន Onvo L90 នឹងចាប់ផ្ដើមការលក់កក់មុននៅថ្ងៃទី 10 ខែកក្កដា ដែលមានតម្លៃ 30,700 – 34,890 ដុល្លារអាមេរិក។
