រថយន្តសេដាង (Sedan) ប្រណិត Yangwang U7 ពីក្រុមហ៊ុន BYD បានចេញពីរោងចក្រផលិតនៅប្រទេសចិន ដោយរថយន្តអគ្គិសនីដែលមានម៉ូទ័រចំនួន 4 នេះ កំពុងត្រៀមសម្រាប់ដឹកជញ្ជូនទៅអតិថិជន។ ម៉ូដែលនេះបានចាប់ផ្តើមលក់កាលពីថ្ងៃទី 27 មីនា ដោយមានតម្លៃចាប់ពី $87,150 ដុល្លារ ហើយមានគោលបំណងប្រកួតប្រជែងជាមួយរថយន្តសេដាង (Sedan) ប្រណិតពីម៉ាកចាស់ៗ។
Yangwang U7 គឺជារថយន្តដែលបានរង់ចាំយូរជាងគេនៅក្នុងទីផ្សារចិន វាត្រូវបានបង្ហាញជាសាធារណៈកាលពីខែមករាឆ្នាំមុន នៅខែមេសា ឆ្នាំ 2024 ក្រុមហ៊ុន BYD បានបង្ហាញម៉ូដែលនេះជាផ្លូវការនៅក្នុងពិព័រណ៍រថយន្តប៉េកាំង។ ទោះជាយ៉ាងណា ការកក់ជាមុនបានចាប់ផ្តើមនៅខែវិច្ឆិកា ឆ្នាំ 2024 ហើយការចេញម៉ូដែលជាផ្លូវការមកនៅចុងខែមីនា ឆ្នាំ 2025 ត្រូវការពេល 2 ខែបន្ថែមទៀតដើម្បីចាប់ផ្តើមផលិតទ្រុងទ្រាយធំ។
ម៉ាកប្រណិត Yangwang របស់ BYD បានចែករំលែករូបថតផ្លូវការនៃក្រុមរថយន្ត U7 ជាលើកដំបូងដែលផលិតចេញពីរោងចក្រ។ នៅក្នុងរូបភាព អាចមើលឃើញថា BYD បានចាប់ផ្តើមផលិតជាមុនជាមួយម៉ូដែលអគ្គិសនីសុទ្ធ (EV) ដែលអាចសម្គាល់បានតាមផ្នែកខាងមុខនៃរថយន្តមានរន្ធខ្យល់តែមួយ។ រថយន្តដែលផលិតជាលើកដំបូងនេះមើលទៅមានពណ៌ស និងប្រើកង់ 21 អ៊ីញ និងកញ្ចក់ខាងជាប្រភេទស្តង់ដារ។ រថយន្តទាំងអស់ត្រូវបានដំឡើងឧបករណ៍ LiDAR នៅលើដំបូល និងផ្នែកខាងក្នុងរថយន្តគឺជាពណ៌ស។
ម៉ូដែលអគ្គិសនី Yangwang U7 EV មានទំហំតូចជាងម៉ូដែល Plug-in Hybrid (PHEV) វាមានទំហំ 5265/1998/1517 មម វាមានម៉ូទ័រអគ្គិសនី 4 ដោយផ្ដល់កម្លាំងសរុបដល់ទៅ 960 kW (1,287 hp)។ វាអាចបើកពី 0 ទៅ 100 គម/ម៉ោងក្នុងរយៈពេលត្រឹមតែ 2.9 វិនាទី បច្ចុប្បន្នល្បឿនអតិបរមាគឺ 270 គម/ម៉ោង។ ដោយសារតែមានថ្ម 135.5 kWh វាអាចបើកបានចម្ងាយរហូតដល់ 720 គម (ស្តង់ដារ CLTC)។
ម៉ូដែល PHEV មានទំហំធំជាង EV ដោយមានទំហំ 5360/2000/1515 មម វាប្រើម៉ូទ័រអគ្គិសនីដូចគ្នា បន្ថែមជាមួយម៉ាស៊ីនសាំង turbo 2.0L ដែលផ្ដល់កម្លាំង 200 kW (268 hp)។ វាផ្ទុកថ្ម 52.4 kWh ដែលអាចបើកបាន 200 គម និងមានធុងសាំង 60 លីត្រ ដែលធ្វើឲ្យចម្ងាយបើកសរុបលើស 1,000 គម។
ផ្នែកខាងក្នុងមានជម្រើស 4 និង 5 កៅអី នៅកណ្តាលមានអេក្រង់ OLED 12.8 អ៊ីញ។ នៅខាងមុខអ្នកបើកបរ និងអ្នកជិះផ្នែកមុខ មានអេក្រង់ធំៗ 23.6 អ៊ីញ។ ខាងក្រោយមានអេក្រង់ 12.8 អ៊ីញ 2 គ្រាប់សម្រាប់អ្នកជិះខាងក្រោយ។
កង់ខាងក្រោយអាចបត់បានដល់ 20 ដឺក្រេ ដែលជួយឲ្យមានអង្កត់ផ្ចិតបត់តិចបំផុត 4.85 ម៉ែត្រ រថយន្តនេះប្រើប្រព័ន្ធរជើងក្រោម Disus-Z ដែលមានលក្ខណៈពិសេសគឺប្រើម៉ូទ័រផ្អែកលើចម្លងម៉ាញេទិច។
Yangwang U7 មានតម្លៃលក់ចាប់ពី 628,000 ដល់ 708,000 យ៉ាន់ (ប្រហែល $87,150 – $98,250)។ វាជាម៉ូដែលទី 3 របស់ម៉ាក Yangwang បន្ទាប់ពីរថយន្ត SUV U8 និងរថយន្តកីឡា (Sporty) U9។ ចន្លោះខែមករាដល់មេសា ឆ្នាំ 2025 Yangwang បានដឹកជញ្ជូនរថយន្ត 659 គ្រឿងទៅអតិថិជន ដែលធ្លាក់ចុះ 85.2% បើប្រៀបនឹងឆ្នាំមុន វាក៏មានគូប្រកួតសំខាន់ៗគឺ Mercedes-Benz S-Class, BMW 7 Series និង Audi A8L។