ដើម្បីឲការផ្លាស់ប្តូរសុីមឌីជីថល ឬក៏ eSIM ពីទូរស័ព្ទដៃ iPhone ទៅទូរស័ព្ទដៃ Android កាន់តែងាយស្រួលជាងមុន និងលែងជាឧបសគ្គសំខាន់សម្រាប់អ្នកប្រើប្រាស់ នៅក្នុងពេលថ្មីៗនេះ ក្រុមហ៊ុន Apple គឺត្រូវបានគេរាយការណ៍ថា កំពុងរៀបចំនូវមុខងារថ្មីមួយសម្រាប់ប្រព័ន្ធ iOS 19 របស់ខ្លួន ដែលអាចដោះស្រាយបញ្ហានេះបាន។
ក្នុងនោះ មុខងារថ្មីនេះ ត្រូវបានគេអះអាងថា នឹងមានឈ្មោះថា “Transfer to Android” នៅក្នុង Settings របស់ទូរស័ព្ទដៃ iPhone ដែលវាអនុញ្ញាតឱ្យអ្នកប្រើប្រាស់អាចបង្កើតលេខកូដ QR ដោយស្វ័យប្រវត្តិ ដើម្បីអាចស្កេន និងដំឡើង eSIM នៅលើទូរស័ព្ទដៃ Android ថ្មីបានភ្លាមៗតែម្តង ពោលគឺមិនចាំបាច់ធ្វើដំណើរទៅកាន់ក្រុមហ៊ុនបម្រើសេវាកម្មទៀតឡើយ ប៉ុន្តែមុខងារនេះអាចប្រើបានតែចាប់ពី iOS 19 ឡើងទៅប៉ុណ្ណោះ។
គួរបញ្ជាក់ថា iOS 19 របស់ Apple នឹងប្រកាសចេញនៅក្នុង WWDC 2025 ក្នុងថ្ងៃទី 10 ថ្ងៃមិថុនា ម៉ោង ១២យប់ ខាងមុខនេះហើយ ដោយក្នុងនោះ iOS 19 នេះ នឹងបញ្ជូលនូវការអាប់ឌែតថ្មីៗជាច្រើនរួមជាមួយមុខងារ AI ជាដើម៕