ក្រុមហ៊ុន General Motors (GM) បានវិនិយោគយ៉ាងខ្លាំងលើរថយន្តអគ្គិសនី។ នៅរយៈពេលពីរឆ្នាំចុងក្រោយនេះ GM បានបញ្ចេញរថយន្តជាច្រើនចាប់ពីម៉ូដែលថោកៗដូចជា Chevy Equinox EV ដល់រថយន្តប្រណីត Cadillac Escalade IQ និងរថយន្ត Pickup អគ្គិសនី Chevy Silverado EV។ ទោះជាយ៉ាងណា GM មិនទុកបោះបង់ម៉ាស៊ីនចំហេះក្នុងឡើយ ដោយក្រុមហ៊ុនបានប្រកាសវិនិយោគ ៨៨៨ លានដុល្លារ សម្រាប់ការផលិតម៉ាស៊ីន V-8 ជំនាន់ថ្មី។ ម៉ាស៊ីន small-block V-8 ជំនាន់ទី ៦ របស់ GM នឹងចាប់ផ្តើមផលិតនៅឆ្នាំ ២០២៧ នៅរោងចក្រ Tonawanda Propulsion ស្ថិតនៅ Buffalo រដ្ឋ New York។ ការវិនិយោគនេះនឹងជួយដាក់បញ្ចូលម៉ាស៊ីន និងឧបករណ៍ថ្មីៗសម្រាប់ផលិតម៉ាស៊ីន V-8 ជំនាន់ថ្មី និងធ្វើការជួសជុលទូទៅនៅក្នុងរោងចក្រ ដូចដែល GM បានបញ្ជាក់ក្នុងសេចក្តីថ្លែងការណ៍។
ចំពោះមុនឆ្នាំ 2027 រោងចក្រ Tonawanda នឹងបន្តផលិតម៉ាស៊ីន V-8 ជំនាន់ទី ៥ ដែលមានទំហំ 5.3-លីត្រ និង 6.2-លីត្រ។ រោងចក្រ Tonawanda ក៏ផលិតម៉ាស៊ីន V-6 ទំហំ 4.3-លីត្រ (បំលែងពីម៉ាស៊ីន V-8) ដែលប្រើនៅលើរថយន្ត Chevy Express van និងម៉ាស៊ីន V-8 ទំហំ 6.2-លីត្រ ដែលប្រើនៅលើរថយន្ត Sporty Chevy Corvette។
GM បានប្រាប់ថា ម៉ាស៊ីន V-8 ជំនាន់ថ្មីដែលនឹងផលិតនៅ Tonawanda នឹងប្រើសម្រាប់រថយន្ត pickup និង SUV ទំហំធំ។ កាលវិភាគផលិតនៅឆ្នាំ 2027 នេះ ត្រូវគ្នាជាមួយការចេញរថយន្តជំនាន់ក្រោយនៃ Chevy Silverado និង GMC Sierra។ បន្ទាប់មកនឹងមានរថយន្ត Chevy Suburban, Tahoe, GMC Yukon, និង Cadillac Escalade ជំនាន់ថ្មីៗដែលទើបតែធ្វើការកែសម្ផស្សសម្រាប់ឆ្នាំ 2025។
GM បន្តថា ម៉ាស៊ីនជំនាន់ថ្មីនេះនឹងបង្កើនសមត្ថភាព បន្ថយការបំពុល និងប្រើប្រាស់ប្រេងអោយមានប្រសិទ្ធភាពទាបជាងមុន។ ការវិនិយោគនេះក៏តាមក្រោយនឹងការវិនិយោគ 500 លានដុល្លារ នៅក្នុងរោងចក្រ Flint Engine Plant ក្នុងឆ្នាំ 2023 ដែលមានបំណងផលិតម៉ាស៊ីន V-8 ជំនាន់ទី ៦ផងដែរ។
