ដើម្បីប្រកួតប្រជែងជាមួយក្រុមហ៊ុន Apple ក្នុងផ្នែកបច្ចេកវិទ្យា XR, ក្រុមហ៊ុន Samsung នឹងប្រកាសចេញនូវវ៉ែនតា XR របស់ខ្លួននៅក្នុងឆមាសទី២ នេះហើយ មានឈ្មោះថា Project Moohan ដែលកំពុងអភិវឌ្ឍរួមជាមួយក្រុមហ៊ុន Google និងត្រូវបានស្គាល់ថាជា Galaxy XR ។
វ៉ែនតា XR នេះ ត្រូវបានគេអះអាងថា នឹងទទួលបាននូវអេក្រង់ 4K Micro-OLED របស់ Sony ដែលផ្តល់នូវគុណភាពពន្លឺ 1,000nit នៅថាមពល 20% និង 96% DCI-P3 color gamut នៅកម្រិត 90 FPS ។ លើសពីនេះ វាក៏នឹងភ្ជាប់មកជាមួយឈីប Snapdragon XR2 Gen 2 ដែលបង្កើតឡើងសម្រាប់កម្មវិធី XR ក៏ដូចជាប្រព័ន្ធប្រតិបត្តិការ Android 14 (Android XR), RAM 16GB, Wi-Fi 7 និងមុខងារ Gemini AI របស់ Google ផងដែរ។
បន្ថែមពីនេះ សម្រាប់ក្រុមហ៊ុន Samsung ផ្ទាល់ក៏មានគម្រោង XR បន្ថែមពីរផ្សេងទៀតផងដែរគឺ Project Haean និង Project Jinju ដែលសន្មតថាជាវ៉ែនតាឆ្លាតវៃ និងកំពុងអភិវឌ្ឍរួមជាមួយក្រុមហ៊ុន Google ដូចគ្នាដែរ ហើយក៏នឹងប្រើប្រាស់នូវបន្ទះឈីប XR2 Gen 2 ដូចគ្នា និងមាន RAM 16GB ដូចគ្នាផងដែរ។
គួរបញ្ជាក់ថា ឈីប Snapdragon XR2 Gen 2 នឹងទទួលបាន 6 cores CPU ដែលផ្អែកលើ Cortex-A78C ទាំងអស់ ប៉ុន្តែមានចំនួន ២ ដំណើរការក្នុងល្បឿន 2.36GHz និង ៤ ដំណើរការក្នុងល្បឿន 2.05GHz រួមជាមួយ Adreno 740 GPU ៕