ក្រុមហ៊ុន Chery បាននាំយកម៉ាក Rely មកប្រើម្តងទៀត ដោយចាប់ផ្ដើមជាមួយរថយន្តយូថិល Kaitian R08 ក្រោយការបង្ហាញជាសាធារណៈនៅ Shanghai Auto Show ឆ្នាំ 2025។ ម៉ាក Rely ត្រូវបានបញ្ចេញជាលើកដំបូងនៅឆ្នាំ 2009 ក្នុងគម្រោងខ្ពស់ Qilin របស់ Chery ដែលរួមមាន Riich និង Rely។ ប៉ុន្តែដោយសារតែទទួលបានការឆ្លើយតបតិចពីទីផ្សារ Rely ត្រូវបានផ្អាក ឥឡូវនេះ Rely ត្រូវបានចាប់ផ្ដើមឡើងវិញជាគ្រឹះស្ថានរងរបស់ Chery ដែលផ្តោតលើរថយន្ត pickup ទាំងម៉ាស៊ីនសាំង, អគ្គិសនី, Range-Extended និង Plug-in Hybrid។
Chery បានបញ្ជាក់ថា រថយន្ត Rely នឹងសាងសង់លើគ្រៀងឆ្អិង Mars Architecture (សម្រាប់ម៉ាស៊ីនជាមួយអគ្គិសនី) ហើយប្រើបច្ចេកវិទ្យាផ្ទាល់របស់ខ្លួនដូចជា ប្រព័ន្ធ Hybrid Kunpeng C-DM, ចំណុចបញ្ជា Lion Cockpit, ប្រព័ន្ធជំនួយបើកបរ Falcon, កម្មវិធីឆ្លាតវៃរថយន្ត Kaitian និងស្ថាបត្យកម្មអគ្គិសនីផ្សំជាមួយ AI
ម៉ាស៊ីន និងសមត្ថភាពបើកបររបស់ Rely វាប្រើប្រាស់ម៉ាស៊ីនម៉ាស៊ូត 2.3L Turbo (DDi23-60A ពី Dongfeng Light Engine) ផលិតថាមពលបាន 120 kW និងបរិមាណស៊ីប្រេងត្រឹម 7.8L/100km ដោយវាក៏មានល្បឿនកំពូល 150km/h អាចដឹកបាន 495 គីឡូក្រាម និងអាចអូសទំនិញបានដល់ទៅ 2.7 តោន (អាស្រ័យលើជម្រើស)
សម្រាប់រថយន្តនេះនៅទីផ្សារនៅចិនក្នុងខែមីនា 2025 លក់បាន Pickup 58,000 គ្រឿង (+13.1%) NEV Pickup: 2,700 គ្រឿង (+219%) នាំចេញ: 24,000 គ្រឿង ក្នុងខែមីនា, 62,000 គ្រឿង ក្នុង ត្រីមានទី១ (កើន 45% នៃលក់សរុប) ក្រុមហ៊ុនប្រកួតប្រជែងក៏មានដែរដូចជា Great Wall, JAC, JMC, Changan, SAIC Maxus។ សម្រាប់តម្លៃចាប់ពី $13,880–$20,820 ដុល្លារ ហើយម៉ូដែល Hybrid និងអគ្គិសនីនឹងត្រូវដាក់បន្តបើមានការឆ្លើយតបល្អពីទីផ្សារ។
