ប្រទេសអារ៉ាប៊ីសាអូឌីត គ្រោងធ្វើកំណែទម្រង់សេដ្ឋកិច្ច ដោយវិនិយោគ ៣,២ទ្រីលានដុល្លារ

កាលពីថ្ងៃអង្គារ ទី៣០ ខែមីនា កន្លងទៅនេះ ប្រទេសអារ៉ាប់ប៊ីសាអូឌីតបានប្រកាសពីផែនការដើម្បីច្របាច់ការវិនិយោគ ដែលមានតម្លៃ ៣,២ ទ្រីលានដុល្លារ ទៅក្នុងសេដ្ឋកិច្ចជាតិ នៅឆ្នាំ ២០៣០។

ពាណិជ្ជកម្ម

សេចក្តីប្រកាសរបស់ព្រះអង្គម្ចាស់ Crown Prince Mohammed bin Salman បង្ហាញពីកិច្ចខិតខំប្រឹងប្រែងដើម្បីជំរុញសេដ្ឋកិច្ចក្នុងស្រុក ស្របពេលដែលប្រទេសជាអ្នកនាំចេញប្រេងឆៅកំពូលនេះ កំពុងប្រយុទ្ធប្រឆាំងនឹងភាពអត់ការងារធ្វើរបស់យុវជន និងការធ្លាក់ចុះដោយសារជំងឺកូវីដ១៩។

នៅក្នុងសុន្ទរកថាមួយដែលត្រូវបានផ្សាយដោយទូរទស្សន៍រដ្ឋ ព្រះអង្គម្ចាស់ Mohammed បានមានព្រះបន្ទូលថា “ការវិនិយោគសរុបដែលបានចាក់បញ្ចូលទៅក្នុងសេដ្ឋកិច្ចជាតិ ត្រូវបានគេរំពឹងថានឹងកើនឡើងដល់ ៣,២ ទ្រីលានដុល្លារ នៅឆ្នាំ ២០៣០”។

គួរឲ្យដឹងដែរថា ក្រុមហ៊ុនធំៗចំនួន ២៤ ក្នុងចំណោមក្រុមហ៊ុនធំៗនៅក្នុងប្រទេស រួមមាន ក្រុមហ៊ុនថាមពល Aramco និងក្រុមហ៊ុនគីមីឥន្ធនៈ SABIC នឹងដឹកនាំការវិនិយោគដោយបរិច្ចាគប្រាក់ចំនួន ១,៣ទ្រីលានដុល្លារ ក្នុងរយៈពេល ១០ ឆ្នាំខាងមុខ៕