ក្រុមហ៊ុនឯកជនធំជាងគេរបស់វៀតណាម Vingroup បានចុះបញ្ជីលក់ភាគហ៊ុនពាក់កណ្តាល នៃភាគហ៊ុន ១០ ភាគរយរបស់ខ្លួន នៅក្នុងក្រុមហ៊ុនវាយនភណ្ឌ និងកាត់ដេរវៀតណាម Vinatex។
ពាណិជ្ជកម្ម
តម្លៃភាគហ៊ុនរបស់ក្រុមហ៊ុន គឺប្រហែល ១៧ ៧០០ ដុង (០,៧៦ ដុល្លារ) ហើយការលក់ភាគហ៊ុនចំនួន ២៥ លាន ត្រូវបានគេរំពឹងថានឹងទទួលបានប្រហែល ៤៤២ ពាន់លានដុង (ប្រហែល ១៩លានដុល្លារ)។
គួររំលឹកឲ្យដឹងថា Vingroup បានទិញយកភាគហ៊ុន ១០ ភាគរយពី Vinatex ក្នុងឆ្នាំ ២០១៤ ក្នុងទំហំទឹកប្រាក់ ៥៥២ ពាន់លានដុង (ប្រហែល ២៤លានដុល្លារ)។
សូមបញ្ជាក់ផងដែរថា កាលពីឆ្នាំមុនប្រាក់ចំណូលរបស់ Vinatex បានធ្លាក់ចុះ ២៦ ភាគរយ ស្មើនឹង ១៤ ទ្រីលានដុង (ប្រហែល ៦០៦លានដុល្លារ) និងប្រាក់ចំណេញ ២១ ភាគរយ ស្មើនឹង ៥៦៩ ពាន់លានដុង (ប្រហែល ២៤លានដុល្លារ) ដោយសារផលប៉ះពាល់នៃជំងឺរាតត្បាតកូវីដ១៩៕