បន្ទាប់ពីបានឃើញក្រុមហ៊ុនជាច្រើនដូចជា Meta, Samsung និង Google បង្ហាញចេញនូវវ៉ែនតាឆ្លាតវៃរបស់ខ្លួន និងកំពុងទទួលបាននូវការចាប់អារម្មណ៍យ៉ាងច្រើនពីមនុស្សជុំវិញពិភពលោក ពេលនេះ ក្រុមហ៊ុន Apple ផ្ទាល់ ត្រូវបានគេរាយការណ៍ហើយថា អាចនឹងបញ្ចេញនូវ៉ែនតាឆ្លាតវៃរបស់ខ្លួននៅចុងឆ្នាំ២០២៦ ខាងមុខនេះហើយ។
ក្នុងនោះ វ៉ែនតាឆ្លាតវៃនេះ ត្រូវបានគេអះអាងថា នឹងមិនរួមបញ្ចូលនូវបច្ចេកវិទ្យា AR សម្រាប់ជំនាន់ដំបូងនោះទេ តែនឹងរួមបញ្ចូលនូវកាមេរ៉ា, រន្ធមីក្រូហ្វូន, ឧបករណ៍បំពងសម្លេង និង Siri ជំនាន់ថ្មីជំនួសវិញ ប៉ុន្តែវ៉ែនតាឆ្លាតវៃដំបូងរបស់ Apple នេះ ក៏អាចនឹងមានលក្ខណៈស្រដៀងនឹងវ៉ែនតាឆ្លាតវៃរបស់ Meta និង Google ផងដែរ។
គួរបញ្ជាក់ថា ក្នុងពេលថ្មីៗនេះ ក្រុមហ៊ុន Apple ផ្ទាល់ ក៏បានប្រកាសអភិវឌ្ឍនូវបន្ទះឈីបថ្មីមួយ ក៏ដូចជាបច្ចេកវិទ្យា AR សម្រាប់វ៉ែនតាឆ្លាតវៃរបស់ខ្លួននាពេលអនាគតផងដែរ ដែលផ្អែកលើបច្ចេកវិទ្យា energy-efficient របស់ Apple Watch ដើម្បីបន្ថែមអាយុកាលថ្ម និងកាត់បន្ថយការប្រើប្រាស់ថាមពលជាដើម៕