បន្ទាប់ពីបង្ហាញចេញនូវ 15 Ultra, Xiaomi បានប្រកាសបង្ហាញចេញនូវ Xiaomi 15S Pro ហើយ ដែលជាស្មាតហ្វូនចុងក្រោយបំផុតនៅក្នុងត្រកូល 15 Series ដូចដែលបានសន្យាដើម្បីអបអរគម្រប់ខួបលើកទី 15 ឆ្នាំរបស់ខ្លួន។
ស្មាតហ្វូននេះ ប្រើប្រាស់នូវបន្ទះឈីប XRING 01 ទំហំ 3nm ដែលអភិវឌ្ឍដោយខ្លួនឯង មាន 10-Core CPU, 16-core Immortalis-G925 GPU និង 6-core NPU អាចទាមទារពិន្ទុបានជាង 3 លានពិន្ទុនៅលើ AnTuTu ។
សម្រាប់លក្ខណៈផ្សេងទៀតពី Xiaomi 15 Pro រួមមានអេក្រង់ 2K 120Hz M9 OLED LTPO ទំហំ 6.73អ៊ីញ មានកម្រិតពន្លឺ 3200 លេនគោល 50MP លេន 50MP ultra-wide និងលេន 50MP 5X telephoto រួមជាមួយប្រព័ន្ធដំណើរការរូបភាព XRING O1 ISP v4 ដែលអាចដំណើរការរហូតដល់ 8.7 ពាន់លានភីកសែលក្នុងមួយវិនាទី។
ក្នុងនោះ វាក៏មានម៉ាស៊ីនស្កេនស្នាមម្រាមដៃ ultrasonic និងថាមពលថ្មធំ 6100mAh ផងដែរ គាំទ្រការតាមខ្សែ 90W និងឥតខ្សែ 50W ។
Xiaomi 15S Pro មានជម្រើសពណ៌ចំនួន ២ គឺ Dragon scale fiber និង Far Sky Blue ជាមួយតម្លៃលក់ខ្ទង់ ៧៦៣ដុល្លារ សម្រាប់ជម្រើស 16GB + 512GB និង ៨៣២ដុល្លារ សម្រាប់ជម្រើស 16GB + 1TB នៅក្នុងប្រទេសចិន៕
