អគារអាផាតមិនមួយនេះ គឺត្រូវបានសាងសង់ឡើងដោយក្រុមហ៊ុន BROAD Group របស់ប្រទេសចិនដែលជាក្រុមហ៊ុនឯកជនល្បីឈ្មោះក្នុងការសាងសង់អគារដោយប្រើប្រាស់បច្ចេកវិទ្យាសំណង់ផលិតជាមុន ឬ prefabricated construction ។
នៅក្នុងការសាងសង់អគារកម្ពស់ ១០ជាន់នេះ ក្រុមហ៊ុន BROAD Group បានប្រើរយៈពេលត្រឹមតែ ២៨ ម៉ោង និង ៤៥ នាទី ប៉ុណ្ណោះ ពោលគឺពួកប្រើប្រាស់នូវបច្ចេកវិទ្យាថ្មីមួយដែលមានលក្ខណៈស្រដៀងនឹងការផលិតរថយន្តដែរ ដោយគ្រឿងបង្គុំរបស់អគារគឺត្រូវបានផលិតរួចជាស្រេចនៅក្នុងរោងចក្រ ហើយនៅពេលធ្វើការសាងសង់ជាក់ស្តែងគឺគ្រាន់តែតម្រៀបចូលគ្នាតែប៉ុណ្ណោះ។
ក្នុងនោះ បើតាមការអះអាងផ្ទាល់របស់ក្រុមហ៊ុនបានឲដឹងថា អគារនេះប្រភេទនេះគឺមានទម្ងន់ស្រាលខ្លាំងជាងសំណង់ធម្មតា ប៉ុន្តែមានភាពរឹងមាំជាងសំណង់ធម្មតាដល់ ១០ ដង ឯណ្ណោះ ហើយក៏អាចទប់ទល់បានជាមួយគ្រោះររញ្ជួយដី និងខ្យល់ព្យុះបានយ៉ាងល្អផងដែរ។ លើសពីនេះ អគារប្រភេទនេះ មិនត្រឹមតែមានតម្លៃថោកនោះទេ តែវាក៏រុះរើបានភ្លាមៗ ទៅសាងសង់នៅទីតាំងថ្មីបានយ៉ាងងាយស្រួលផងដែរ៕