ដើម្បីធ្វើការឆ្លើយតបទៅនឹងគ្រោះអាកាសធាតុដែលកើតឡើងនៅលើប្រទេសខ្លួនជារៀងរាល់ឆ្នាំ និងបង្ហាញពីការរីកចម្រើននៃផ្នែកវិស្មកម្មដ៏អស្ចារ្យ នៅក្នុងឆ្នាំ 1993 ជប៉ុនបានប្រកាសសាងសង់នូវអាងស្តុកទឹកជំនន់ក្រោមដីដ៏ធំបំផុតក្នុងលោកពិភពលោកក្នុងប្រទេសខ្លួនដែលគេហៅថា Metropolitan Area Outer Underground Discharge Channel ។
ក្នុងនោះ អាងមួយនេះ ត្រូវបានសាងសង់ឡើងក្នុងរយៈពេល ១៣ ឆ្នាំ ចាប់ពីឆ្នាំ 1993 ដល់ 2006 ដោយចាយទុនវិនិយោគលើសពី ១ ពាន់លានដុល្លារ ដែលស្ថិតនៅក្រោមទីក្រុង Kasukabe ខេត្ត Saitama និងមានចម្ងាយឆ្ងាយប្រមាណ ៤០គីឡូម៉ែត្រ ពីទីក្រុងតូក្យូ។
- វាមានទទឹងលាតសន្ធឹងប្រមាណជាង ៥ គីឡូម៉ែត្រ និងមានជម្រៅ ៥០ ម៉ែត្រ នៅក្រោមទីក្រុង Kasukabe ដែលទ្រដោយសសរគ្រឹះបេតុងចំនួន ៥៩ដើម រចនាជាមួយធុងទឹកធំៗ និងបណ្តាញផ្លូវរូងដែលអាចទទួលទឹកបានរហូតដល់ ៦៧០,០០០ ម៉ែត្រគូប ដែលស្មើនឹងអាងហែលទឹកអូឡាំពិកជាង ២៦៨ អាង ឯណ្ណោះ។ មិនត្រឹមតែប៉ុណ្ណោះនោះទេ អាងស្តុកទឹកនេះ ក៏ត្រូវបានបំពាក់ជាមួយម៉ាស៊ីនបូមធំៗ ដែលអាចបញ្ចេញទឹកបានចំនួន ២០០ តោនក្នុងមួយវិនាទី ទៅកាន់ទន្លេ Edo តាមរយៈផ្លូវរូងក្រោមដីប្រវែង ៦,៣ គីឡូម៉ែត្រ ផងដែរ។
ជាធម្មតា អាងស្តុកទឹកនេះ ត្រូវបានប្រើប្រាស់ប្រហែលតែ ៦ ទៅ ៧ ដងប៉ុណ្ណោះនៅក្នុងមួយឆ្នាំ ពោលគឺនៅក្នុងអំឡុងពេលមានព្យុះទីហ្វុង ឬអំឡុងពេលមានភ្លៀងធ្លាក់ខ្លាំងជាដើម។
គួរបញ្ជាក់ថា ចាប់តាំងពីការបើកដំណើរការមក អាងស្តុកទឹកនេះ មិនត្រឹមតែជាស្នាដៃវិស្វកម្មដ៏អស្ចារ្យប៉ុណ្ណោះទេ ប៉ុន្តែវាក៏បានក្លាយជាកន្លែងទាក់ទាញភ្ញៀវទេសចរណ៍ដ៏ពេញនិយមមួយផងដែរ ប៉ុន្តែតម្រូវឲកក់ទុកមុនដល់ទៅ 4 សប្តាហ៍ ឯណ្ណោះ មុខពេលចូលទស្សនាបាន៕