ក្នុងនោះ ចិនបានបាញ់បង្ហោះផ្កាយរណបចំនួន ១២ គ្រឿងដំបូងរបស់ខ្លួន ដែលស្ថិតនៅគម្រោង ដើម្បីបង្កើតជាបណ្តាញផ្កាយរណបសរុបចំនួន ២,៨០០ គ្រឿង នៅលើមេឃ ដោយមានគោលបំណងបំលែងវាទៅជា supercomputer ដ៏ធំមួយដែលមានទីតាំងនៅលើអាកាស។
បច្ចេកវិទ្យាថ្មីនេះ ត្រូវបានសហការបង្កើតឡើងដោយក្រុមហ៊ុន ADA Space សហការជាមួយមជ្ឈមណ្ឌលស្រាវជ្រាវ Zhijiang និង Neijang High-Tech Zone ។
ចំពោះផ្កាយរណបនីមួយៗដែលបានបាញ់បង្ហោះនេះវិញ គឺត្រូវបានបំពាក់ដោយគំរូ AI ដែលមានប៉ារ៉ាម៉ែត្រចំនួន ៨,០០០ ពាន់លាន ដែលមានសមត្ថភាពប្រតិបត្តិការទិន្នន័យល្បឿនលឿនដល់ទៅ 744 tera ក្នុងមួយវិនាទី ឯណ្ណោះ។ មិនត្រឹមតែប៉ុណ្ណោះនោះទេ នៅពេលដែលផ្កាយរណបចំនួន ១២ នេះ ដំណើរការជាមួយគ្នា វាគឺអាចសម្រេចបាននូវសមត្ថភាពប្រតិបត្តិការខ្លាំងជាងនេះទៅទៀតផង ពោលគឺដល់ទៅ 5 peta ក្នុងមួយវិនាទី ឯណ្ណោះ។
ជាមួយគ្នានេះ អ្នកវិទ្យាសាស្រ្តចិនក៏បានដាក់គោលដៅអភិវឌ្ឍនូវបច្ចេកវិទ្យាថ្មីនេះឲមានសមត្ថភាពប្រតិបត្តិការដល់ទៅ ១,០០០ POPS (Peta Operations Per Second) ដែលមានកម្លាំងខ្លាំងបំផុតមួយនៅលើអាកាស ដែលមិនធ្លាប់មានពីមុនមកផងដែរ។
គួរបញ្ជាក់ថា អ្វីដែលប្លែកនោះគឺ ផ្កាយរណបទាំងនេះអាចដំណើរការទិន្នន័យដោយខ្លួនឯងតែម្តង ពោលគឺមិនចាំបាច់ផ្ញើទិន្នន័យទៅស្ថានីយ៍នៅលើផែនដីដូចមុនទៀតឡើយ ដោយវាប្រើប្រាស់នូវតំណភ្ជាប់ឡាស៊ែរល្បឿនលឿន ដែលអាចចែករំលែកទិន្នន័យរហូតដល់ 30 terabytes ក្នុងមួយថ្ងៃ ក្នុងរយៈពេលតែប៉ុន្មានវិនាទីប៉ុណ្ណោះ។ លើសពីនេះ ផ្កាយរណបទាំងនេះក៏អាចប្រើថាមពលពន្លឺព្រះអាទិត្យបាន ហើយបញ្ចេញកំដៅទៅលំហបានយ៉ាងាយស្រួលផងដែរ ពោលគឺការធ្វើបែបនេះនឹងមិនប៉ះពាល់ដល់បរិស្ថានដូចការសាងសង់ data center នៅផែនដីយើងឡើយ។
បន្ថែមពីលើនេះ ផ្កាយរណបទាំងនេះក៏ត្រូវបានដំឡើងជាមួយឧបករណ៍វិទ្យាសាស្ត្រដ៏ទំនើប ដូចជាឧបករណ៍ចាប់កាំរស្មី X ដែលត្រូវបានប្រើសម្រាប់សិក្សាព្រឹត្តិការណ៍ការផ្ទុះកាំរស្មីហ្គាម៉ានៅក្នុងអវកាសផងដែរ។ មិនត្រឹមតែប៉ុណ្ណោះនោះទេ តែវាក៏អាចបង្កើតបាននូវ 3D digital twins ដែលអាចប្រើប្រាស់បានសម្រាប់ការទប់ទល់នៅពេលមានគ្រោះមហន្តរាយ ឬប្រើនៅក្នុងវិស័យទេសចរណ៍និម្មិត (VR tourism) ផងដែរ៕