Lexus មិនទាន់បញ្ជាក់ជាផ្លូវការទេ ប៉ុន្តេសញ្ញាជាច្រើនបង្ហាញថា រថយន្ត Sedan រចនាបែប Sporty ម៉ូដែល IS កំពុងឈានដល់ចុងបញ្ចប់នៃការផលិត។ ម៉ូដែលថ្មី Ultimate Edition របស់ IS500 F Sport Performance ដែលប្រើម៉ាស៊ីន V-8 ត្រូវបានបន្ថែមរចនាបថថ្មីៗ និងស្លាកពិសេសៗ ហើយនឹងផលិតក្នុងចំនួនត្រឹមតែ 500 គ្រឿងប៉ុណ្ណោះ។ ការមកដល់របស់វានៅក្នុងឆ្នាំ 2025 នេះមានអារម្មណ៍ថាប្រហែលជាមិនមានម៉ូដែលឆ្នាំ 2026 ទៀតទេ។ ហើយនេះក៏ជាសញ្ញាបង្ហាញថាយើងនឹងបាត់បង់រថយន្ត Sedan រចនាបែប Sporty មួយទៀត ហើយវាជារថយន្តដែលមានម៉ាស៊ីន V-8 មិនប្រើ Turbo ដែលកំពុងក្លាយជារឿងកម្រ។
Ultimate Edition នេះមកជាមួយពណ៌ថ្មីឈ្មោះ “Wind” និងយ៉ាន់កង់ BBS ទំហំ 19 អ៊ីញពណ៌ខ្មៅដិត បញ្ចូលជាមួយដុំហ្រ្វាំងពណ៌ក្រហម។ ខាងក្នុងរថយន្ត ត្រូវបានរចនាជាបែប ក្រហម-ខ្មៅពីរពណ៌ មានខ្សែក្រវ៉ាត់សុវត្ថិភាពពណ៌ក្រហម។ រាល់រថយន្តនីមួយៗនឹងមានផ្លាកលេខបង្ហាញថាជារថយន្តទីប៉ុន្មានក្នុងចំណោម 500 គ្រឿង។ Scuff plate ក៏ជាផ្នែកបែបពិសេសសម្រាប់ Ultimate Edition ដែរ។
វាគ្មានការផ្លាស់ប្តូរណាមួយលើម៉ាស៊ីន V-8 ទំហំ 5.0-Liter មានកម្លាំង 472 សេះ ដែលប្រើប្រអប់លេខស្វ័យប្រវត្តិ 8 វគ្គនោះទេ។ Ultimate Edition មកជាមួយប្រព័ន្ធបើកបរកង់ខាងក្រោយ (RWD) ដូចជា IS500 ផ្សេងទៀត។ ម៉ូដែល F Sport Performance នេះអាចបើកពី 0 ទៅ 100 Km/h ចាយពេល 4.3 វិនាទី ក្នុងការសាកល្បងរបស់ក្រុម C/D ហើយក៏បានសាកល្បងលើទីលាន Lightning Lap ដែរ។
ពេលគេសួរថា តើម៉ូដែលឆ្នាំ 2025 នឹងជាម៉ូដែលចុងក្រោយសម្រាប់ IS ឬយ៉ាងណា? អ្នកតំណាង Lexus បានឆ្លើយថា ក្រុមហ៊ុន “មិនអាចផ្ដល់មតិអំពីផែនការផលិតផលនាពេលអនាគតបានទេ”។ ប៉ុន្តែយើងមានការភ្ញាក់ផ្អើលបើ IS ជំនាន់បច្ចុប្បន្ននេះនឹងនៅតទៅទៀត ព្រោះវាបានបង្ហាញខ្លួនចាប់តាំងពីឆ្នាំ 2014 ហើយទើបទទួលបានការកែលម្អធំនៅឆ្នាំ 2021។ ទោះជាយ៉ាងណា បើវាចាកចេញតាមរបៀបនេះ ក៏ជារឿងដ៏ល្អក្នុងរថយន្តដែលប្រើម៉ាស៊ីន V-8 មិនប្រើ Turbo ដែលកំពុងក្លាយជារឿងកម្រ។
