ក្រុមហ៊ុនបច្ចេកវិទ្យាយក្សចិន Tencent បានរាយការណ៍ថា ការលក់ប្រចាំត្រីមាសកើនឡើង ២៦ ភាគរយ ដែលកើនឡើងខ្ពស់ដោយសារអាជីវកម្មហ្គេមអនឡាញ។
ពាណិជ្ជកម្ម
ក្នុងនោះដែរ ហ្គេម Honor of Kings របស់ Tencent នៅតែជាហ្គេមដែលមានចំណាត់ថ្នាក់ខ្ពស់ជាងគេនៅក្នុងប្រទេសចិន ខណៈ PUBG Mobile បន្តធ្វើបានយ៉ាងល្អនៅក្រៅប្រទេស។
ប្រាក់ចំណូលពីហ្គេមអនឡាញ បានកើនឡើង ២៩ ភាគរយស្មើនឹង ៦ ពាន់លានដុល្លារអាមេរិក នៅក្នុងត្រីមាសចុងក្រោយនៃឆ្នាំ ២០២០ បើធៀបនឹងត្រីមាសដូចគ្នាក្នុងឆ្នាំ ២០១៩។
គួរឲ្យដឹងថា ប្រាក់ចំណូលសរុបរបស់ក្រុមហ៊ុន Tencent បានកើនឡើងដល់ ២០,៥ ពាន់លានដុល្លារនៅក្នុងត្រីមាសចុងក្រោយនៃឆ្នាំ ២០២០ ជាមួយនឹងប្រាក់ចំណេញ ៥,២ ពាល់លានដុល្លារឯណោះ៕