បើនិយាយពីភាពខុសគ្នាទៅលើផ្នែកអេក្រង់នោះ គឺមិនសូវខុសគ្នាប៉ុន្មានទេ គ្រាន់តែថាអេក្រង់របស់ GT Pro គឺមាន Refresh Rate ខ្ពស់ជាងដល់ទៅ 144Hz ឯណ្ណោះ តែបើធៀបគ្នានឹង ៣ ចំនុចនេះវិញ គឺ Honor GT Pro ល្អជាងតែម្តង។
សម្រាប់ចំនុចទី ១ នោះគឺថាមពលថ្ម និងល្បឿនសាក។ HONOR GT Pro មានកញ្ជប់ថាមពលថ្មដ៏ធំទំហំ 7200mAh គាំទ្រការសាកល្បឿនលឿនតាមខ្សែកម្លាំង 90W ដែលខ្លាំងជាង S25 Ultra ដាច់តែម្តង ដែលមានថាមពលថ្មត្រឹមតែ 5,000mAh និងល្បឿនសាក 45W ប៉ុណ្ណោះ។
ចំនុចទី ២ គឺកាមេរ៉ា។ ស្មាតហ្វូនដែលទើបតែចេញថ្មីនេះ មិនត្រឹមតែមានសមត្ថភាពដំណើរការល្អជាមួយឈីប Snapdragon 8 Elite ប៉ុណ្ណោះនោះទេ តែវាថែមមានប្រព័ន្ធកាមេរ៉ាដ៏ល្អថែមទៀតផង។ Honor GT Pro ទទួលបានលេនគោល 50MP, លេនទូលាយ Ultra-Wide 50MP និងលេន periscope telephoto 3X ទំហំ 200MP ។ ចំណែកកាមេរ៉ាផ្នែកខាងមុខវិញ មានទំហំ 50MP ដូចគ្នា ដែលអាចថតវីដេអូបានកម្រិត 4K 60fps ទាំងមុខទាំងក្រោយ រួមជាមួយមុខងារ AI ។ ប៉ុន្តែត្រង់ចំនុចកាមេរ៉ានេះបើប្រៀបធៀបនឹង S25 Ultra គឺអាចយាយបានថាប្រហាក់ប្រហែលគ្នាតែប៉ុណ្ណោះ គឺមិនឈ្នះដាច់នោះឡើយ ដោយសារកាមេរ៉ារបស់ S25 Ultra ក៏ល្អដូចគ្នាដែរ។ វាមានលេនគោល 200MP, លេនទូលាយ Ultra-Wide 50MP, លេន Telephoto 10MP និងលេន periscope telephoto ទំហំ 50MP។
ចំណែកចំនុចគឺ ៣ ដែលជាចំនុចចុងក្រោយនោះគឺតម្លៃតែម្តង។ Honor GT Pro មិនត្រឹមតែមាន specs កប់ប៉ុណ្ណោះនោះទេ តែតម្លៃរបស់វាក៏ធូរថ្លៃជាង S25 Ultra ផងដែរដែលចាប់ផ្តើមត្រឹមតែពី ៥០៥ ដុល្លារ ទៅ ៦៥៦ ដុល្លារ ប៉ុណ្ណោះ នៅក្នុងទីផ្សារប្រទេសចិន។ចំណែក S25 Ultra វិញ គឺមានតម្លៃចាប់ពី ១ ២៩៩ដុល្លារ ដែលថ្លៃជាង Honor GT Pro ដល់ទៅ ៧០០ដុល្លារ ឯណ្ណោះ។ ចុះបងប្អូនវិញយល់យ៉ាងណាដែរសម្រាប់ស្មាតហ្វូនសេរ៊ីថ្មីមួយនេះ កុំភ្លេចខមិននៅខាងក្រោម!