នេះគឺជា OnePlus 13T, ស្មាតហ្វូនខ្នាតតូចថ្មីរបស់ក្រុមហ៊ុន OnePlus ដែលទើបតែបង្ហាញចេញក្តៅៗនេះនៅក្នុងទីផ្សារចិន។OnePlus 13T មានអេក្រង់ 1.5K 8T LTPO AMOLED ទំហំ ៦,៣ អ៊ីញ កម្រិត 120Hz អាចជះពន្លឺបានខ្ពស់បំផុត 1600 nits បំពាក់ជាមួយបច្ចេកវិទ្យាការការពារ OPPO Crystal Shield Glass protection ។
វាដំណើរការដោយបន្ទះឈីប Snapdragon 8 Elite និងឈីបហ្គេម P2 ជាមួយប្រព័ន្ធប្រតិបត្តិការ Android 15 នៅលើ ColorOS 15 ចេញពីមានប្រអប់ មាន RAM LPDDR5X ទំហំ 12GB / 16GB និងអង្គផ្ទុក UFS 4.0 ទំហំ 256GB ដល់ 1TB ជាមួយពិន្ទុ 3 លានជាងពិន្ទុនៅលើ AnTuTu។
លើសពីនេះទៅទៀត ទូរស័ព្ទនេះ ក៏ទទួលបាននូវប្រព័ន្ធស្អំកម្តៅកម្រិតខ្ពស់ អាវការពារធូលី និងទឹកកម្រិត IP65 ម៉ូទ័រ linear 0809 X-axis ក៏ដូចជាបន្ទះឈីប Wi-Fi G1 ដែលត្រូវបានបំពាក់ដោយអង់តែនចំនួន 11 ដែលព័ទ្ធជុំវិញទូរស័ព្ទបាន 360ដឺក្រេ រួមទាំងអង់តែន gold e-sports ចំនួន 3 ផងដែរ រួមជាមួយការតភ្ជាប់ 5G, Wi-Fi 7 និង Bluetooth 5.4 ។
សម្រាប់ផ្នែកកាមេរ៉ាវិញ OnePlus 13T ទទួលបានលេនគោលខាងក្រោយទំហំ 50MP និងលេន telephoto 2X ទំហំ 50MP ប៉ុន្តែវាមិនមាននូវលេនទូលាយ Ultra-Wide នោះទេ។ ចំណែកកាមេរ៉ាផ្នែកខាងមុខវិញ មានទំហំ 16MP អាចថតវីដេអូបានកម្រិត 4K 60fps សម្រាប់ផ្នែកខាងក្រោយ និង 1080p 30 fps សម្រាប់ផ្នែកខាងមុខ។ ទន្ទឹមនឹងនេះ ទៅលើផ្នែកថាមពលថ្ម OnePlus 13T Pro ក៏ទទួលបាននូវកញ្ជប់ថាមពលថ្មធំផងដែរទំហំដល់ទៅ 6260mAh ឯណ្ណោះ និងគាំទ្រការសាកតាមខ្សែកម្លាំង ៨0W ។
គួរឲដឹងថា មិនត្រឹមតែមានរូបរាងតូចប៉ុណ្ណោះនោះទេ ទៅលើការរចនាវិញ OnePlus 13T គឺបានភ្ជាប់មកនូវរូបរាងថ្មីដែលមានភាពរឹងមាំ រួមជាមួយកម្រាស់ ៨,១៥ ម.ម និងទម្ងន់ត្រឹមតែ ១៨៥ ក្រាម ប៉ុណ្ណោះ និងទទួលបាននូវជម្រើសពណ៌ប្រផេះ ផ្កាឈូក និងខ្មៅ ជាមួយតម្លៃលក់ចាប់ពី ៤៤៦ ដុល្លារ ដល់ ៦១៧ ដុល្លារ នៅក្នុងប្រទេសចិន៕
