ក្រុមហ៊ុនផលិតទូរស័ព្ទដៃ HONOR បានប្រកាសដាក់បង្ហាញចេញជាផ្លូវការនូវទូរស័ព្ទដៃសេរ៊ីថ្មីដែលជាស្មាតហ្វូនហ្គេមកម្រិតថវិការរបស់ខ្លួនគឺ HONOR GT Pro ជាមួយតម្លៃលក់ចាប់ពី ៥០៥ ដុល្លារ ដល់ ៦៥៦ ដុល្លារ នៅក្នុងទីផ្សារប្រទេសចិន។
សម្រាប់ផ្នែកកាមេរ៉ា ទទួលបានកាម៉េរ៉ាគោលខាងក្រោយទំហំ 50MP, លេនទូលាយ Ultra-Wide ទំហំ 50MP និងលេន periscope telephoto 3X ទំហំ 200MP ។ ចំណែកកាមេរ៉ាផ្នែកខាងមុខវិញ មានទំហំ 50MP អាចថតវីដេអូបានកម្រិត 4K 60fps ទាំងមុខទាំងក្រោយ រួមជាមួយមុខងារ AI ។
ចំណែកផ្នែកថាមពលថ្ម HONOR GT Pro ទទួលបានកញ្ជប់ថាមពលថ្មដ៏ធំទំហំ 7200mAh គាំទ្រការសាកតាមខ្សែ 90W ។ លើសពីនេះទៅទៀត ទូរស័ព្ទនេះក៏ទទួលបានប្រព័ន្ធស្អំកម្តៅកម្រិតខ្ពស់ ក៏ដូចជាអាវការពារធូលី និងទឹកកម្រិត IP68 + IP69 និងគាំទ្រការតភ្ជាប់ 5G, Wi-Fi 7, Bluetooth 5.4, GPS, USB Type-C, NFC ផងដែរ រួមជាមួយនឹងរន្ធ USB Type-C audio និងបាសសម្លេង Stereo speakers ។
គួរឲដឹងថា ការរចនារបស់ស្មាតហ្វូន HONOR GT Pro គឺមានកម្រាស់ ៨,៥៨ ម.ម និងទម្ងន់ ២១២ ក្រាម និងទទួលបានជម្រើសពណ៌ Ice Crystal White, Phantom Black និង Burning Speed Gold៕