មកលើកនេះ អាចនិយាយបានថា ក្រុមហ៊ុន vivo លេងឈុតធំតែម្តង ដោយទៅលើផ្នែកអេក្រង់ X200 Ultra មានអេក្រង់ 2K LTPO AMOLED ទំហំ ៦,៨២ អ៊ីញ ខ្នាត ២០ ដោយ ៩ កម្រិត 120Hz អាចជះពន្លឺបានដល់ 4500 nits ដែលអាចបង្ហាញពណ៌បានល្អពេលនៅក្រោមពន្លឺថ្ងៃខ្លាំង។ វាប្រើប្រាស់នូវកញ្ជក់ការពារ Armor Glass protection ជាមួយនឹងម៉ាសុីនស្កេនម្រាមដៃ ultrasonic និងបន្ទះឈីប Snapdragon 8 Elite ដែលជាឈីបកំពូលរបស់ក្រុមហ៊ុន Qualcomm ជាមួយនឹងប្រព័ន្ធ Android 15 និង OriginOS 5 គាំទ្រការផ្ទុក RAM LPDDR5X និងអង្គផ្ទុក UFS 4.1 រហូតដល់ 16GB បូក 1TB ដែលអាចដំណើរការលើកម្មវិធីធ្ងន់ៗ និងហ្គេមបានយ៉ាងល្អ។
អ្វីដែលពិសេសនោះគឺ vivo X200 Ultra មាននូវប្រព័ន្ធកាមេរ៉ាដ៏ខ្លាំងមួយដែលរួមបញ្ជូលនូវឈីបចំនួន ២ គឺ VS1 និង V3+ សម្រាប់ជំនួយដ៏ការកែរូបភាពក្រោយពេលនិងមុខពេលថតទៀតផង។ vivo X200 Ultra មានកាមេរ៉ាមេ 50MP, កាមេរ៉ាមុខ 50MP, កាមេរ៉ា Ultra-Wide 50MP និងកាមេរ៉ា periscope telephoto ទំហំ 200MP ។
គួរបញ្ជាក់ថា vivo X200 Ultra គឺគាំទ្រការថត 4K 60fps 10bit Log, 4K 120fps movie slow motion, 4K time-lapse និង 8K 30fps ជាមួយនឹងមុខងារទប់លំនឹង OIS ជំនាន់ថ្មីដែលមានភាពប្រសើរជាងមុខយ៉ាងខ្លាំង។ លើសពីនេះទៅទៀត ក្រុមហ៊ុន vivo ក៏បានផ្តល់នូវជម្រើសកញ្ចប់ photographer kit ទំហំ 2300mAh ក៏ដូចជាលេន Zeiss 2.35x telephoto teleconverter kit និងកញ្ចប់ professional imaging kit ផងដែរ សម្រាប់ជំនួយដ៏ការថតរូបភាពបន្ថែមទៀត ដែលមានកាមេរ៉ាល្អរួចស្រាប់ទៅហើយ។
ទៅលើផ្នែកថាមពល vivo X200 Ultra មានថាមពលថ្មធំ 6000mAh គាំទ្រការសាកល្បឿនលឿនកម្លាំង 90W តាមខ្សែ និងការសាកឥតខ្សែកម្លាំង 40W ប៉ុន្តែវាក៏គាំទ្រនូវការសាក Bypass ផងដែរ។
សម្រាប់ការរចនាវិញ បើធៀបនឹង vivo X100 Ultra, vivo X200 Ultra គឺមានការរចនា Prrmium ជាង និងទទួលបាននូវជម្រើសពណ៌ចំនួន ៣ រួមមាន ពណ៌សលាយប្រាក់ ពណ៌ខ្មៅ និងពណ៌ក្រហម មានតម្លៃលក់ចាប់ពី ៨៩0 ដុល្លារ សម្រាប់ជម្រើស 12GB + 256GB ដល់ ១ ៣២៨ ដុល្លារ នៅក្នុងប្រទេសចិន សម្រាប់ជម្រើស 16GB + 1TB ដែលមានមុខងារតភ្ជាប់បណ្តាញផ្កាយរណប និងកញ្ចប់ photographer kit 2300mAh ចំណែកលេន Zeiss 2.35x telephoto teleconverter kit និងកញ្ចប់ Professional imaging kit វិញមានតម្លៃ ២៣២ ដុល្លារ៕