ក្នុងរយៈពេលប៉ុន្មានឆ្នាំចុងក្រោយនេះ ក្រុមហ៊ុន Apple បាន និងកំពុងប្រឈមមុខនឹងការប្រែប្រួលទីផ្សារនៃការលក់ផលិតផលរបស់ខ្លួនជាខ្លាំងនៅក្នុងទីផ្សារជាច្រើនជុំវិញពិភពលោក ជាពិសេសនៅក្នុងប្រទេសចិន ដែលជាទីផ្សារធំមួយរបស់ខ្លួន។
បើយោងតាមការរាយការណ៍ពីទីភ្នាក់ងារព័ត៌មានចិន ស៊ិនហួ (Xinhua) នៅថ្ងៃទី ១៨ ខែមេសា ឆ្នាំ ២០២៤ បានឲដឹងថា ការនាំចេញស្មាតហ្វូនថ្មីៗរបស់ Apple នៅក្នុងត្រីមាសទី ១ បានធ្លាក់ចុះចំនួន ៩% បើប្រៀបធៀបនឹងត្រីមាសដដែលនៅឆ្នាំមុន។ ក្នុងនោះ ការលក់របស់ Apple មានចំនួនត្រឹមតែ ៩.៨ លានគ្រឿង ប៉ុណ្ណោះ ដែលធ្វើឱ្យចំណែកទីផ្សាររបស់ក្រុមហ៊ុនបានធ្លាក់ចុះពី ១៧.៤% មក ១៣.៧%។ ខណៈនេះគឺជាការធ្លាក់ចុះជាបន្តបន្ទាប់រយៈពេល ៧ ត្រីមាសជាប់ៗគ្នា។
គួរឲដឹងថា មូលហេតុសំខាន់នៃការធ្លាក់ចុះនេះ គឺដោយសារតម្លៃលក់ខ្ពស់របស់ផលិតផល Apple ដែលមិនអាចប្រកួតប្រជែងជាមួយក្រុមហ៊ុនដទៃបាន ក្នុងពេលដែលរដ្ឋាភិបាលចិនកំពុងផ្តល់ជំនួយសាច់ប្រាក់ ១៥% បន្ថែម សម្រាប់ស្មាតហ្វូនដែលមានតម្លៃក្រោម ៦,០០០ យន់ ឫប្រហែល ៨២០ ដុល្លារ។ តួយ៉ាង ដូចជាក្រុមហ៊ុន Xiaomi ដែលជាគូប្រកួតសំខាន់មួយ គឺបានឆក់យកឱកាសនេះដោយការពង្រីកការលក់របស់ខ្លួនឡើងដល់ ១៣.៣ លានគ្រឿង ក្នុងត្រីមាសដដែល ពោលគឺកើនឡើងដល់ ៤០% ឯណ្ណោះ៕