ចេញមកហើយបងប្អូន BYD Yangwang U8 តួរវែង ហើយនេះជារូបភាពផ្លូវការរបស់ BYD Yangwang U8L ត្រូវបានបង្ហាញជាផ្លូវការមុនពេលបង្ហាញជាផ្លូវការនៅក្នុងពិព័រណ៍ឡានស៊ាងហៃ (Shanghai Auto Show) នៅថ្ងៃទី 23 ខែមេសា។ នេះគឺជារថយន្ត SUV សម្រាប់ធ្វើដំណើរដែលមានសមត្ថភាពខ្ពស់ម៉ូឌែលថ្មីពី BYD ដែលជាប្រភេទកែប្រែឲ្យវែងជាងរថយន្ត Yangwang U8 ដំបូង។ កាលពីដើមខែមេសានេះ មានការចាប់អារម្មណ៍ខ្លាំងក្រោមការបញ្ជូនរូបភាពបើកបង្ហាញនៅប្រទេសចិន។
ចឹងសម្រាប់ Yangwang U8 បានចូលទីផ្សារនៅប្រទេសចិនក្នុងខែតុលា ឆ្នាំ 2023 ដោយមានតម្លៃ 150,400 ដុល្លារ ដោយវាមានលក្ខណៈពិសេសដូចជា អាចបង្វិលរថយន្តបាន 360° (tank turn) អាចចុះហែលទឹកក្នុងករណីអាសន្ន ក្នុងឆ្នាំ 2024 BYD បានលក់បានចំនួន 7,254 គ្រឿង។ សម្រាប់ទំហំទាំងបីរបស់វាគឺ Yangwang U8 មានទំហំបណ្តោយ 5319 មម / ទទឹង 2050 មម / កម្ពស់ 1930 មមចំពោះ Yangwang U8L ប្រវែងរថយន្តឈានទៅដល់ 5600 មម ហើយក៏មានការរំពឹងថាវានឹងមានកៅអី 3 ជួរ សរុប 6 កន្លែងអង្គុយ ហើយសម្រាប់ឃ្លុបក្រោយមានកម្រិតដាកល់ទំនិញស្តង់ដារទំហំ 1031 លីត្រ និងអាចពង្រីកដល់ 2050 លីត្រ បន្ទាប់ពីបត់កៅអីក្រោយ។
Yangwang U8L មានពណ៌មាសស្រស់ស្អាត ភ្ជាប់ជាមួយដំបូលពណ៌ខ្មៅ យ៉ានកង់បានផ្លាស់ប្តូរស្តាយថ្មីរៀងដូចពពក និងដៃទ្វារបង្កប់ ហើយសម្រាប់ម៉ូដែលតួរវែងនេះក៏បានដកនៅកង់សារគួរដែលបានដាក់ជាប់នៅទ្វាទី ៥ ចេញដែរ ដែលខុសពីម៉ូដែលធម្មតា។
BYD មិនទាន់បានបង្ហាញព័ត៌មានលម្អិតអំពីប្រព័ន្ធម៉ាស៊ីនរបស់ U8L ឡើយទេ ប៉ុន្តែគេរំពឹងថា វានឹងប្រើបច្ចេកវិទ្យា “God’s Eye” សម្រាប់ជំនួយបើកបរប្រកបដោយសុវត្ថិភាព និងភាពឆ្លាតវៃ ហើយចំពោះ Yangwang U8 វាស្ថិតគ្រោងឆ្អិង e4 platform ហើយមាន ម៉ាស៊ីន 2.0T ប្រើប្រាស់ម៉ូទ័រ 4 គ្រឿង ជាប្រភេទម៉ូទ័រ (permanent magnet synchronous motors) ដែលផលិតកម្លាំងបាន 880kW (1180 hp) និងកម្លាំងរមួលអតិបរមា 1280 Nm ប្រើប្រាស់ថ្ម Blade LFP 49.05 kWh ល្បឿនសន្ទុះពី 0-100km/h វាចាយពេល 3.6 វិនាទី និងមានល្បឿនអតិបរមា៖ 200km/h ចម្ងាយបើកបរដោយអគ្គិសនីសុទ្ធបាន 180km ហើយបើបូកជាមួយម៉ាស៊ីនសាំងដែលមានទំហំ 2.0T ទៀតបានចម្ងាយបើកបរសរុប 1000km ចឹងសម្រាប់រូបភាពជាផ្លូវការនឹងចេញនៅថ្ងៃ 23 មេសា បន្ថែមទៀតចឹងកុំភ្លេចរងចាំមើលការបង្ហាញជាក់ស្តែង!
