ក្រុមហ៊ុន BYD តាមរយៈបណ្តាញ Ocean Network បានប្រកាសដាក់លក់ជាមុនសម្រាប់រថយន្ត SUV ស៊េរីថ្មីមានទំហំមធ្យម ម៉ូដែល Sealion 07 DM-i Intelligent Driving Version។ រថយន្តនេះមានចំនួនបីម៉ូដែលដែលមានតម្លៃលក់ជាមុនពី ២៦,៣០០ ដុល្លារ ដល់ ៣១,៨០០ ដុល្លារ។
Sealion 07 DM-i ត្រូវបានរចនាឡើងដោយប្រើភាសាររចនាថ្មី Ocean Aesthetics របស់ BYD ដែលបញ្ចូលការរចនាបែបទឹករលក និងទឹកធ្លាក់ ដើម្បីបង្កើតរូបរាងប្រណីត និងទំនើបជាចុងក្រោយ។ រថយន្តនេះមានទំហំ បណ្ដោយ 4,880 មម / ទទឹង 1,920 មម / កម្ពស់ 1,750 មម ដែលមានកៅអីចំនួន 5 ផ្តល់នូវលំហធំទូលាយ។
ផ្នែកខាងក្នុងរចនាតាមគំនិត “Ocean Cockpit” មានគំនូសបន្ទាត់ទំនើបជាមួយបន្ទះបញ្ជា និងខ្ទង់ផ្នែកកណ្តាលបែបអណ្តែត។ ប៊ូតុងបញ្ជារូបទឹកកក (iceberg-shaped buttons) បន្ថែមភាពប្រណីត និងបច្ចេកវិទ្យាឱ្យកាន់តែសម្រួល។
លក្ខណៈពិសេសមួយទៀតគឺ វាត្រូវបានផ្ចាប់មកជាមួយ drone ដែលអាចហោះ និងចុះចតបាននៅលើរថយន្តដែលកំពុងធ្វើដំណើរបានជាលើកដំបូងនៅលើពិភពលោក។ អាចបញ្ជារ drone ពីរថយន្តទៅបានដោយផ្ទាល់ ដោយគាំទ្រការហោះចេញ និងចុះចតដោយច្បាស់លាស់ មានសមត្ថភាពសាកថ្មនៅលើរថយន្តដោយផ្ទាល់ Drone មានមុខងារជាច្រើនដូចជា ហោះហើថតវីដេអូមើលផ្លូវមុន, ថតវីដេអូពីលើអាកាស ថតរូបភាពពីលើអាកាស និងសាកថ្មលឿនដែលផ្ចាប់ពីរថយន្ត។
គ្រប់ម៉ូដែលនៃរថយន្តនេះភ្ជាប់ជាមួយប្រព័ន្ធជំនួយបើកបរបែបឆ្លាតវៃ DiPilot។ ម៉ូដែល 150 Smart Navigation និង 150 Smart Navigation+ ប្រើ DiPilot 100 (God’s Eye C) មានកាមេរ៉ា ៣ ខណៈម៉ូដែល 135 High-Performance Intelligent Driving ប្រើ DiPilot 300 (God’s Eye B) ជាប្រព័ន្ធប្រើឡាស៊ែ បន្ថែមសមត្ថភាពស្គាល់ភ្លើងសញ្ញាចរាចរណ៍ និងប្តូរគន្លងផ្លូវដោយស្វ័យប្រវត្តិ។
រថយន្តនេះគឺជាប្រភេទ plug-in hybrid ជំនាន់ទី៥ ដែលមានឈ្មោះថា DM-i (Dual Mode – intelligent) ម៉ាស៊ីន (Engine & Hybrid System) ប្រព័ន្ធបញ្ចូលថ្ម និងម៉ាស៊ីន Plug-in Hybrid (PHEV) ជាមួយម៉ាស៊ីនសាំង 1.5L មានប្រសិទ្ធភាពខ្ពស់។ ប្រព័ន្ធបញ្ចូលថ្មនិងម៉ូទ័រអគ្គិសនីធ្វើការជាមួយគ្នា ដើម្បីសន្សំសំចៃប្រេង និងផ្តល់អំណាចដ៏ខ្លាំង។ ម៉ាស៊ីនសាំងផលិតកម្លាំងបាន 115 kW (154 hp) ម៉ូទ័រអគ្គិសនីផលិតកម្លាំងបាន 200 kW (268 hp) សរុបកម្លាំងផលិតបាន 218 hp ប្រព័ន្ធបើកបរជាប្រភេទ Front-Wheel Drive (FWD) ល្បឿនសន្ទុះពី 0-100 km/h វាចាយពេល 8.5 វិនាទី វាមានសមត្ថភាពសន្សំប្រេងយ៉ាងអស្ចារ្យដោយមានអត្រាប្រើប្រេងត្រឹមតែ 4.7 លីត្រ/100 គីឡូមែត្រ នៅពេលថ្មអស់។ ចម្ងាយបើកបររួមអតិបរមាអាចឈានដល់ 1,320 គីឡូមែត្រ នៅពេលចាក់សាំងមួយពេញ និងថ្មពេញ។
ប្រព័ន្ធគ្រប់គ្រងជើងក្រោមរថយន្តជាប្រភេទ DiSus-C ត្រូវបានភ្ជាប់ជាមួយគ្រប់ម៉ូដែល ដែលអាចកំណត់ភាពរឹងរលោងនៃតួររថយន្ត ដោយស្វ័យប្រវត្តិអាស្រ័យលើស្ថានភាពផ្លូវ។ ចំពោះភាពងាយស្រួលក្នុងការប្រើប្រាស់ ក៏មានទូទឹកក្តៅ-ត្រជាក់ កៅអីក្រោយនិងមុខមានមុខងារ ខ្យល់ត្រជាក់ កំដៅ និងម៉ាស្សា។ ផ្នែកសុវត្ថិភាពរួមមាន: រចនាសម្ព័ន្ធតួររថយន្តរឹងមាំ ថ្ម Blade Battery របស់ BYD សេនស័រចំនួន 10, ប្រព័ន្ធជំនួយអ្នកបើកបរ IPB, ប្រព័ន្ធត្រួតពិនិត្យអ្នកបើកបរ និងកាមេរ៉ា 360° ជាមួយភាពច្បាស់ខ្លាំង។
