ម៉ូតូអគ្គិសនី Royal Enfield Flying Flea C6 គឺជាម៉ូដែលអគ្គិសនីដំបូងបង្អស់របស់ Royal Enfield ដែល Royal Enfield បានបង្ហាញម៉ូតូអគ្គិសនីថ្មីរបស់ខ្លួនឈ្មោះ Flying Flea C6 នៅព្រឹត្តិការណ៍ EICMA 2024។ ម៉ូតូនេះជាផ្នែកមួយនៃម៉ាករថយន្តអគ្គិសនីថ្មីរបស់ក្រុមហ៊ុនដែលមានឈ្មោះថា Flying Flea។ ឈ្មោះនេះបានយកមកពីម៉ូតូតូចមួយដែលត្រូវបានប្រើប្រាស់ក្នុងសម័យសង្គ្រាមលោកទី ២។
ព័ត៌មានបច្ចេកទេសសំខាន់ៗរបស់ Flying Flea C6 ប្រភេទម៉ាស៊ីន: អគ្គិសនី ប្រើប្រាស់កញ្ចប់អាគុយ 2.4 kWh សាកមួយពេញអាបើកបរបានចម្ងាយ 100 គីឡូម៉ែត្រ ដែលល្បឿនអតិបរមារបស់វាគឺ 115 គីឡូម៉ែត្រ/ម៉ោង ប្រើប្រាស់ជាមួយនឹងប្រព័ន្ធហ្រ្វាំង ABS មុខក្រោយ ហើយក៏មានជាមួយ Traction Control ប្រព័ន្ធបញ្ជាបានប្រើប្រាស់ប្រព័ន្ធ Qualcomm Snapdragon QWM2290 មានអេក្រង់បង្ហាញព័ត៌មាន TFT ដោយមានការតភ្ជាប់ជាមួយស្មាតហ្វូនបាន
រចនាបថ និងការរចនារបស់ Flying Flea C6 មានរចនាបថសាមញ្ញបែបបុរាណជាមួយនឹងបច្ចេកវិទ្យាទំនើប។ តួរខ្លួននឹងគ្រោងឆ្អឹងរបស់វាបំពាក់ដោយដែកអាលុយមីញ៉ូមរឹងមាំ និងសំបកកង់ស្ដើងសម្រាប់ការបើកបរនៅក្នុងទីក្រុង។ រចនាបថនេះផ្តល់នូវភាពងាយស្រួលក្នុងការបើកបរនៅក្នុងតំបន់ទីក្រុងដែលមានចរាចរណ៍ច្រើន។ កាលបរិច្ឆេទចេញលក់នៅក្នុងទីផ្សារគឺនៅដើមឆ្នាំ 2026 ដែលតម្លៃរបស់ប្រហែល $6,500។ Flying Flea C6 គឺជាជម្រើសដ៏ល្អសម្រាប់អ្នកដែលស្វែងរកម៉ូតូអគ្គិសនីដែលមានរចនាបថសាមញ្ញ បែបបុរាណ និងបច្ចេកវិទ្យាទំនើបសម្រាប់ការបើកបរនៅក្នុងទីក្រុង។
