Zenvo Aurora ជារថយន្ត Hypercar ថ្មី ដែលមានកម្លាំងដល់ទៅ 1850 សេះ បង្កើតឡើងដោយក្រុមហ៊ុនដាណឺម៉ាក Zenvo។ វាត្រូវបានបំពាក់ដោយម៉ាស៊ីន V-12 ដ៏មានអំណាចខ្លាំង។ ម៉ាស៊ីន V-12 ទំហំ 6.6 លីត្រ បំពាក់ដោយ Turbo ចំនួន 4។ វាអាចធ្វើអោយ RPM កើនដល់ទៅ 9800, ផលិតកម្លាំងបាន 1250 សេះ បន្ថែមពីនេះ មានប្រព័ន្ធ Hybrid មានម៉ូទ័រអគ្គិសនី 3 ទៀត ផ្តល់កម្លាំងបន្ថែម 600 សេះ។ បញ្ចូលគ្នាទាំងអស់បាន 1850 សេះ។
Zenvo Aurora ប្រើបច្ចេកវិទ្យាបញ្ឆេះថ្មីដែលមានឈ្មោះថា Jet Ignition ដែលអភិវឌ្ឍដោយក្រុមហ៊ុន Mahle។ បច្ចេកវិទ្យានេះប្រើបន្ទះបញ្ឆេះមុន (pre-chamber ignition) ដើម្បីបង្កើតការបំផ្ទុះដែលមានប្រសិទ្ធភាពខ្ពស់។ Jet Ignition អាចបញ្ឆេះប្រេងឥន្ធនៈបានយ៉ាងលឿន និងមានសមត្ថភាពបំផ្ទុះល្អសម្រាប់ម៉ាស៊ីន V12 quad-turbo 6.6 លីត្រ។ បច្ចេកវិទ្យានេះអាចដំណើរការលើប្រេងឥន្ធនៈសាំងធម្មតា និងប្រេងឥន្ធនៈ synthetic fuels ដោយបញ្ចេញឧស្ម័នពុលតិចតួច។ Jet Ignition ជួយឲ្យម៉ាស៊ីនមានប្រសិទ្ធភាពខ្ពស់ និងបំពេញតាមច្បាប់បរិស្ថានរបស់អឺរ៉ុប។
Zenvo Aurora មានពីរម៉ូដែលមានលក្ខណៈបច្ចេកទេសខុសៗគ្នា Zenvo Aurora Tur វាមានកម្លាំងសរុប 1850 សេះ (V12 quad-turbo ផលិតកម្លាំងបាន 1250 សេះ + ម៉ូទ័រអគ្គិសនី 600 សេះ) កម្លាំងរមួល 1700 Nm ល្បឿនសន្ទុះ 0–100 km/h វាចាយពេល 2.3 វិនាទី និង 0–300 km/h: ប្រហែល 9 វិនាទី ល្បឿនកំពូល: ប្រហែល 450 km/h
Zenvo Aurora Agil កម្លាំងសរុប 1450 សេះ (V12 quad-turbo ផលិតកម្លាំងបាន 1250 សេះ + ម៉ូទ័រអគ្គិសនី 200 សេះ) កម្លាំងរមួល 1400 Nm ល្បឿនសន្ទុះ 0–100 km/h: ប្រហែល 2.5 វិនាទី និង 0–300 km/h 10 វិនាទី ល្បឿនកំពូល 365 km/h កំណែ Tur មានប្រព័ន្ធអគ្គិសនីបន្ថែម និងការបញ្ជូនកម្លាំងទៅកង់ទាំងបួន (AWD) ដើម្បីបង្កើនសមត្ថភាពល្បឿន និងការបើកបរ។ ខណៈដែលកំណែ Agil មានការរចនាសម្រាប់ការបើកលើស្ពីត ដោយមានទម្ងន់ស្រាលជាង និងប្រព័ន្ធបញ្ជូនកម្លាំងទៅកង់ខាងក្រោយ (RWD)។
សម្រាប់ Turbo ទាំង 4 ត្រូវបានដាក់នៅកណ្ដាលម៉ាស៊ីន (V-layout) ដូចជាគំរូមួយដែល Audi, BMW និង Mercedes-AMG បានប្រើជាមួយ Turbo តែ 1 ឬ 2 ប៉ុណ្ណោះ។ ធ្វើបែបនេះទើបបង្កើនប្រសិទ្ធភាពទំហំដាក់ម៉ាស៊ីនក្នុងតួររបស់រថយន្តដែលផលិតចេញពី Carbon Fiber ដែលស្តើងរបស់ Aurora បាន។
Zenvo នឹងបង្ហាញ Aurora ចេញជាពីរខុសគ្នាដោយកំណែ All-Wheel Drive សម្រាប់ផ្លូវធម្មតា ដែលទទួលបានកម្លាំងពេញលេញ និងកំណែ Rear-Wheel Drive សម្រាប់ស្ពីដ បន្ថែមកម្លាំងម៉ូទ័រអគ្គិសនីតិចជាង ដើម្បីសមស្របនឹងការបើកលើល្បឿនលឿននៅលើផ្លូវត្រេកស្របពេលមាន Hypercar ច្រើននៅលើទីផ្សារ Zenvo និង Mahle កំពុងសាកល្បងបំលែងម៉ាស៊ីន Mjølner V-12 ទៅជា 6 ឬ 8 ស៊ីឡាំងវិញ សម្រាប់ប្រើគម្រោងនាពេលក្រោយ ឬផ្គត់ផ្គង់ទៅឲ្យក្រុមហ៊ុនផ្សេងទៀត។ តែសូមកុំភ្លេច តម្លៃរបស់ Zenvo Aurora ចាប់ពី $3 លានដុល្លារឡើង។
