ក្រុមហ៊ុនផលិតរថយន្ដអគ្គិសនីយក្សរបស់ចិន BYD បានចំណាយទុនចំនួន ៣២ លានដុល្លារសាងសង់រោងចក្រដំឡើងរថយន្ដនៅក្នុងប្រទេសកម្ពុជា

ក្រុមហ៊ុន BYD បានយករថយន្តពីក្រៅស្រុកមកលក់មានតម្លៃធូរម្លឹងហើយចុះទម្រាំផលិតក្នុងស្រុកយើងទៀតតម្លៃធូរប៉ុណ្ណាទៅអីលូវនេះគឺថាច្បាស់ការណ៍ហើយដោយក្រុមហ៊ុនផលិតរថយន្ដអគ្គិសនីយក្សរបស់ចិនគឺ BYD បានចំណាយទុនចំនួន ៣២ លានដុល្លារ សម្រាប់ការសាងសង់រោងចក្រដំឡើងរថយន្ដអគ្គិសនីរបស់ខ្លួនដោយបានត្រៀមខ្លួនរៀបចំពិធីបើកការដ្ឋានសាងសង់រោងចក្រដំឡើងរថយន្ដនៅក្នុងប្រទេសកម្ពុជាឆាប់ៗនេះហើយ។ នេះបើយោងតាមការលើកឡើងរបស់គណៈប្រតិភូក្រុមហ៊ុន BYD Auto Industry Co., Ltd. ដែលបានដឹកនាំដោយលោក Xiao Haiping ជានាយកប្រតិបត្តិ នៃទីស្នាក់ការកណ្តាលសម្ព័ន្ធ BYD នៅក្នុងជំនួបពិភាក្សាការងារជាមួយ ឯកឧត្ដម ស៊ុន ចាន់ថុល ឧបនាយករដ្ឋមន្ដ្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា នៅថ្ងៃទី១០ ខែមេសា ឆ្នាំ២០២៥។
រោងចក្រខាងលើនឹងត្រូវបញ្ចប់ការសាងសង់ឲ្យរួចរាល់នៅក្នុងអំឡុងត្រីមាសទី៤ ឆ្នាំ២០២៥ខាងមុខនេះ។ ដោយឯកឧត្ដមឧបនាយករដ្ឋមន្ដ្រី ស៊ុន ចាន់ថុល​ ក៏រំពឹងថាបន្ទាប់ពីរោងចក្រដំឡើងរថយន្តសាងសង់រួចរាល់ និងដាក់លក់ជាផ្លូវការអត្រានៃការប្រើប្រាស់រថយន្ត BYD នៅកម្ពុជានឹងមានការកើនឡើងផងដែរ។
នេះបើតាមការបញ្ជាក់ពីលោក Liu Xueliang អគ្គនាយកក្រុមហ៊ុន BYD Asia Pacific Auto Sales Division កាលពីថ្ងៃទី ១៥ ខែកក្កដា ឆ្នាំ២០២៤ ក្នុងជំនួបសម្ដែងការគួរសម និងពិភាក្សាការងារជាមួយសម្ដេចធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា បានឲ្យដឹងថានៅពេលបើកដំណើរការរោងចក្រ BYD នេះគឺអាចមានសមត្ថភាពដំឡើងបានចំនួន ២០ ០០០គ្រឿងក្នុងមួយឆ្នាំដើម្បីធ្វើការផ្គត់ផ្គង់ទីផ្សារក្នុងស្រុក និងនាំចេញទៅទីផ្សារអន្តរជាតិ។
រោងចក្រដំឡើងរថយន្ដអគ្គិសនី BYD នឹងត្រូវបើកការដ្ឋានសាងសង់នាចុងខែមេសា ឆ្នាំ២០២៥ នេះហើយ គម្រោងក៏គ្រោងនឹងបញ្ចប់នៅក្នុងអំឡុងឆមាសទី៤ ឆ្នាំ២០២៥ ខាងមុខនេះផងដែរ។ ដោយទីតាំងគឺស្ថិតនៅតំបន់សេដ្ឋកិច្ចពិសេសក្រុងព្រះសីហនុ ដោយក្រុមហ៊ុន BYD នឹងចំណាយទុនចំនួន ៣២ លានដុល្លារ នេះបើតាមរបាយការណ៍របស់ ក្រុមប្រឹក្សាអភិវឌ្ឍន៍កម្ពុជា (CDC) សម្រាប់ការសាងសង់។
គួរជម្រាបផងដែរថាសម្រាប់ក្រុមហ៊ុន BYD និងធ្វើការផលិតរថយន្តជាប្រភេទអគ្គិសនីសុទ្ធផង និងអគ្គិសនីលាយសាំងផង ដើម្បីផ្គត់ផ្គង់ទីផ្សារក្នុងស្រុក និងក្រៅស្រុកមិនថែមតែប៉ុណ្ណោះសម្រាប់ក្រុមហ៊ុន BYD ក៏មានទាំងការផលិតគ្រឿងបង្គុំផងដែរ។

ពាណិជ្ជកម្ម