ក្រុមហ៊ុនផលិតទូរស័ព្ទដៃ OPPO បានប្រកាសដាក់បង្ហាញចេញជាផ្លូវការនូវទូរស័ព្ទដៃសេរ៊ីថ្មី OPPO Find X8s និង OPPO Find X8s+ ជាមួយតម្លៃលក់ចាប់ពី ៥៧១ ដុល្លារ ដល់ ៧៤៨ ដុល្លារ នៅក្នុងទីផ្សារប្រទេសចិន។
OPPO Find X8s និង OPPO Find X8s+ ទទួលបានអេក្រង់ AMOLED ទំហំ ៦,៣២ និង ៦,៥៩ អ៊ីញ 120Hz ដំណើរការដោយបន្ទះឈីប Dimensity 9400+ ជាមួយប្រព័ន្ធប្រតិបត្តិការ Android 15 នៅលើ ColorOS 15 និងទទួលបាន RAM 12GB / 16GB និងអង្គផ្ទុក 256GB / 512GB / 1TB ព្រមទាំងអាចប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន។
សម្រាប់ផ្នែកកាមេរ៉ាទូរស័ព្ទដៃ OPPO Find X8s និង OPPO Find X8s+ ទទួលបានកាម៉េរ៉ាគោលខាងក្រោយទំហំ 50MP, លេនទូលាយ Ultra-Wide ទំហំ 50MP និងលេនពង្រីក Telephoto 3X ទំហំ 50MP ។ ចំណែកកាមេរ៉ាផ្នែកខាងមុខរបស់ទូរស័ព្ទដៃទាំង ២ម៉ូឌែលនេះ មានទំហំ 32MP អាចថតវីដេអូបានកម្រិត 4K 60fps ទាំងមុខទាំងក្រោយ ។
ចំណែកផ្នែកថាមពលថ្ម OPPO Find X8s និង OPPO Find X8s+ ទទួលបានកញ្ជប់ថាមពលថ្មទំហំ 5700mAh (X8s) / 6000mAh (X8s+) គាំទ្រការសាកតាមខ្សែ 80W និង 50W ឥតខ្សែ។ លើសពីនេះទៅទៀត ទូរស័ព្ទនេះ គឺមានបំពាក់មកជាមួយអាវការពារធូលី និងទឹកកម្រិត IP68 + IP69 និងគាំទ្រការតភ្ជាប់ 5G, Wi-Fi 7, Bluetooth 5.4, GPS, USB Type-C, NFC និងទទួលបានរន្ធ USB Type-C audio និងបាសសម្លេង Stereo speakers ។
គួរឲដឹងថា ការរចនារបស់ស្មាតហ្វូន OPPO Find X8s និង OPPO Find X8s+ គឺមានកម្រាស់ ៧ ម.ម ជាង និងទម្ងន់ក្រោម ២០០ ក្រាម និងទទួលបានជម្រើសពណ៌ Hoshino Black, Moonlight White, Island Blue និង Cherry Blossom Pink (X8s) និង Hoshino Black, Moonlight White និិង Hyacinth Purple សម្រាប់ម៉ូឌែល (X8s+)៕